椰汁脆皮年糕

January 31, 2014, Friday, 大年初一

都唔知由幾時開始, 我的年初一會咁忙, 又要焗年糕又要煮素菜.   以前咩都唔整, 初一起身就只係扮靚靚, 睇吓著邊件衫, 襯邊對鞋同手袋.

但呢幾年年初一都好忙,  哈哈, 無辦法, 家人喜歡食, 團年時落定order, 話明又食又拎, 整一底都唔夠, 要食一底, 另一底要分, 每人pack的返屋企.

佢地話普通蒸年糕到處有得賣, 但焗年糕就只有自家製先有得食.   家人咁比面喜歡食我整嘅野, 係我的榮幸, 咁辛苦的都整啦.

過年前買定兩盤蛋, 今日整兩底要二十隻, 年初三又要整兩底, 到時唔夠再買啦.

每年我都寫一次食譜, refresh吓的memory.

材料: (每底份量)
雞多10隻
糖320g (下次再試減到300g)
椰奶一礶
糯米粉500g

 

 椰奶我都無分邊隻牌子, 有時呢隻, 有時嗰隻.

先量好320g糖

 

 打10隻雞蛋

另一個盤量好500g 糯米粉, 預備好哂料就開始做.

 

 先將蛋同糖拌勻

 加入一礶椰奶

 篩入糯米粉

 

 其實篩唔篩都無咩分別, 因為點都拌唔勻, 會有好多粉粒

唯有將的粉漿過篩先會無粉粒

結果我過了三次

 

其實過第二次已經好滑

過到第三次落焗盤就更ok啦.

好多氣泡, "櫈"多幾吓將的氣泡"櫈"出嚟.

 

預熱焗爐180c

以前用細焗盤就試過一次焗兩個, 但今次焗兩大盤就未試過.

set timer 1小時

放上下盤爐溫不一, 要睇火

 

焗到咁上下, 我將上下盤調轉

焗到四邊飛起(最少35分鐘, 攞出嚟返轉,  的粉漿一定要熟才可反轉, 否則會黐底.  反轉之後再焗個底.

分上下層, 上面嗰個焗到升起, 我將上下調轉.  因為要開爐幾次, 調上調下, 比平時多焗了十分鐘

可以出爐啦...個底好靚啦.

個面一樣咁靚

另一個都一樣靚

 

個面都好靚呀!

不過一個發得大的一個瘦的, 兩個都靚, 大成功!

每一個份量都好大(1.4kg), 大家庭多人食啱哂呀!

待涼用錫紙包好就可以出發去奶奶家拜年啦.  

食時只需要用多士焗爐翻熱就得啦.