美味乾鮑生麵

February 15, 2014, Saturday

差的唔記得過年前叫鄰居買咗的乾鮑, 搵酒樓炆咗十幾公斤乾鮑, 我地幾家鄰居, 每人分的, 我要了兩公斤.   年三十攞返屋企放入二樓冰箱, 過年期間要去拜年跟著又去團拜, 跟著又去旅行, 完全唔記咗的鮑魚.  今日突然醒起, 即刻整嚟食.

的乾鮑好咗, 用真空包裝, 4隻一包

3隻又一包

   

七隻加埋就係半公斤.  我要了兩公斤, 即有28隻.  一公斤有14隻, 咁即係幾多頭鮑呢?

另外再做了醬汁, 分咗三盒, 食時只需將醬汁同鮑魚解凍加熱就可以.

今次解凍一盒醬汁, 唔記我將上面的油除去,有的油

鮑魚亦解凍

將鮑魚放入將汁內, 大碗加蓋, 隔水蒸20分鐘

我用隔水蒸係唔想用明火去煮的鮑魚, 免得鮑魚變硬或變韌.

跟著煮的菜

每人一個生麵

清清地菜麵

加隻鮑魚, 的麵再加的鮑汁 (隻鮑魚放咗落個湯碗就知好大隻啦)

的鮑魚其實應該用刀义嚟食呀...依依韌韌好似食年糕咁..... 好味呀!
 
可以食到乾鮑, 又唔需要自己炆,  咁好嘅鄰居, 去邊道搵呀!

今日呢個鮑魚生麵午餐, 當係我地一家開年啦.