其實呢的碟餸簡單又超易, 真係好普通嘅家常小菜. 唔知點解, 幾個部屋都話呢碟好味. 唔通真係隔離飯香?!
2011年9月19日 星期一
2011年9月17日 星期六
檸檬雞翼
我呢個recipe, 係跟Gigi Wong嘅食譜.
今次用咗兩磅幾雞翼, 有24隻. 解凍之後用鹽同胡椒粉先醃
大家都讚味道好, 連薑同檸檬都食埋.....開心!
2011年9月16日 星期五
焗燒腩
今晚咁多人一齊食, 焗起都係每人食一兩嚿, 一於焗燒腩嚟慶中秋
呢次係跟T&P嘅方法去焗
預熱焗爐230c
入焗爐前我無用油搽豬皮面, 豬皮面並沒有爆開. 焗咗10分鍾之後, 取出, 用針插插勻豬皮, 的豬皮因為已半熟, 好易插, 仲標咗好多油出嚟.
再入焗爐焗, 豬皮開始爆. 焗咗15分鐘後, 由上格放至中格
究竟有的咩野問題呢? 我呢個焗爐係咪唔夠大火呢? 咁係咪要焗耐的等的皮爆好哂先攞出嚟呢?
的燒肉都差唔多食哂, 剩番幾嚿. 不過激發起我下次又要再整過, 下次一家要的皮爆到脆.
2011年9月12日 星期一
半島奶皇月餅 vs 嘉麟樓奶皇月餅
好多人都話半島嘅奶皇月餅好正, 但我咁多年只係聽都未有機會食過, 先兩年型爸去半島買比我食, 但無預早訂, 結果買唔到. 咁買唔到就買唔到, 無刻意要好想食.
今年都無諗過要訂嚟食, 但估唔到姪女好有心, 訂咗嚟送比我地食. 咁啱公司有人送咗嘉麟樓嘅奶皇月餅, 咁今年就有機會食啦!
嗰日聽商業二台晨光第一線, 同係半島奶皇月餅, 佢地話好似嘉麟樓(半島中菜龐)嘅好食的. 咁我就嚟過大比拼啦
而奶皇餡嘅味道, 兩款嘅做法都好相似, 都係將的齣蛋黃攞埋的奶皇, 咬落的奶有鹹蛋黃味. 但我同型爸都覺得半島嗰隻味道好的, 並唔係電台講嘅嘉麟樓嗰隻好的.
不過味道嘅野, 個人喜好不一, 又或者佢地背後焗餅廚房跟本就係一樣, 味道嘅差異, 只不過係每次整嘅時候唔同師傳, 份量有少許不一所致.....
其實味道都唔錯嘅, 不過未至於一定要訂嚟食囉.
2011年9月10日 星期六
Macau 兩天遊 - Cafe Deco, 良晨法國餐廳, 潘榮記, 瑪嘉烈葡撻
食完的同事就出各有各去唔同方, 但我隻腳唔係咁掂, 唔行lu, 上去酒店休息一吓.
點知喺呢道門口, 又撞到型爸澳門嘅朋友, 啱啱食完. 仲話不如晚上一齊食...但型爸話睇吓點先, 因為仲同同事一齊.
我地真係食到成三點. 我地叫得唔算多野, 但都食咗一仟伍佰幾.
食完行出去, 同事太太話要食加蛋餅....
嗰道有個牌寫著一袋hk$10, 一磅hk66, 但同事太太話要一磅分兩袋, 嗰位阿姐好似好唔願咁, 跟著同太太話要三袋啦. 點知每袋又收hk$20喎....
跟著另一同事同我地都要買葡撻, 結果又走去馬嘉烈..
跟著都無咩邊道想去, 我又唔想周圍行, 隻腳真係唔係好掂, 醫生都叫我多休息唔好行咁多. 決定早的返香港. 打電話比型爸朋友, 下次嚟先約再食晚飯啦.
訂閱：
文章 (Atom)