睇完Zaia show, 我地坐shuttle bus由威尼斯人到新濠天地. 幾個同事約咗兩位澳門朋友一齊响Lobby Lounge傾謁飲野
有live band 唱歌
我地開咗兩支白酒, 飲完就唔再叫, 因為仲有下場呀!
咁啱有同事嘅女朋友公司响新濠天地Club Cubic攪咗個concert, 送咗入場券比我地公司同事, 我地又有節目.
我都未試過, 半夜三更去睇conert, 要零晨十二點先入場....入面全部都係年輕人啦....哈哈哈...咁我同型爸都係, 都係同大公子二公子一樣咁年輕(心境)...hehehehe
入埸券可以換兩張coupon, 每張coupon都可換兩杯飲品.
仲可以揀唔同嘅口味, 有Hennessy Apple, Hennessy Citrus, Hennessy Soda, Hennessy Berry & Hennessy Ginger, 我試咗Apple 同Soda兩款口味, 都唔錯呀! 型爸同我的同事都好飲得, 唔夠飲, 但係唔使驚, 仲有的後備coupon....
不過呢的concert係無位坐架, 只有少量bar橩. 我個同事好好, 一早霸定張櫈比我坐, 所以我全程都有位坐.
個show成一點幾先開始, 由王貫中開始, 唱咗好幾首歌
跟著就到何韻詩, 唱咗幾首之後王貫中又再出場與何韻詩合唱
最後就到鍾舒曼出場, 三個一齊合唱. 最後就交比鍾舒曼壓軸.
個show大約個幾鍾, 唱完都兩點幾. 我地走啦! 已經開始好攰....但係仲有下文呀.....
大家高興, 型爸同我另外兩位同事, 每人夾hk$500, 共hk$1,500, 入去賭場碰吓運氣. 其中一個同事生日, 我地就將呢個重要任務交比佢啦.
當的男士去賭場嘅時候, 我地女士就去咗賭場入面嘅餐廳宵夜.
就係呢間金亨啦....的野食都好貴呀....
不過唔緊要, 的男士返嚟啦, 佢地玩咗一鋪, 就攪掂咗啦....嬴咗千伍蚊, 夠哂食啦.
我地叫咗生牛肉湯河
叻沙米粉, 呢個米粉做得好好, 個湯好正呀... 型爸同另一位同事嘅太太叫咗, 我試飲咗個湯. 不過我就唔想食咁濃味, 都係食碗雲吞麵算啦
軟殼蟹粥...佢地無水蟹粥, 我就覺得麻麻啦.
呢碗就係我嘅雲吞麵, 都唔錯架.
佢地另外再叫咗牛腩麵呀.....但坐得太遠, 我無影lu.....
埋單七佰幾蚊, 仲有七佰幾蚊留番明天食.....
食完就散步行返威尼斯人....點知落雨....都跑返去啦....
沖完涼, 瞓落床都四點啦.....
沒有留言:
張貼留言