November 19, 2017, Sunday
昨巴不斷下著綿綿細雨, 直到今天早上都未停, 結果今日行山要取消.
行山雖然取消了, 但晚上一早訂咗私房菜一半係鄰居, 一半係山組員.
呢間私房菜叫紅廚, 响元朗, 上網搵都好容易. 不過開車去就真係要靠GPS 帶路先得呀!
去到地方其細, 最多只可以放三張檯. 我地呢圍有13 人, 放咗大檯面, 另外兩檯就只可以放細檯. 隔離有一檯坐了八位.
我地坐滿都已經好迫啦. 講真去到對個地方有的失望架.
另外一張細檯, 放咗一的零食, 可以買嚟食. 呢就仲有紅棗糕同辣椒油賣.
坐低後那位女侍應開咗的薯片比我地食.
今日菜單, 係我地其中一位行山組員幫我地訂....有兩款湯....HK$350 一位
送一枝紅酒, 我地帶了一枝威士忌, 組長帶了VSOP, 仲有茅台...
開始食啦.....
冷盤先上 - 冰鎮花膠, 上面係花腸碎, 下面係切片捲起的青瓜, 又幾好味喎.
另外仲有一碟冷盤唔記得影, 係白松露冰鎮蟶子. 呢碟頗為西式, 用了沙律菜拌了白松露橄欖油, 上面放了去殼煮熟了的蟶子. 有的特別, 味道都幾好呀!
跟著係川芎百芷天麻花錦鱔燉湯....哈哈, 型爸就係為咗花錦鱔嚟呢道食架.
荷包花錦鱔, 呢個麻麻, 條菜太大, 咬落有老, 入面嚿鱔相對太細, 味道唔夠呀?
呢碟就正好多啦, 雙冬枝竹炆花錦鱔, 好味.
睇吓嚿花錦鱔幾大嚿, 一嚿放滿隻碗, 食一嚿已經好膩呀! 有幾位靚太食半嚿, 型爸就食咗兩三嚿. 布剩林老闆打包話明天有飯,
豬肚雞湯, 剪開個豬肚, 入面有成隻雞, 湯好飲,豬肚好腍, 雞就老的啦.
仲有紅燒元蹄... 炆得好好味, 我地就真係頂唔著啦, 但的男士對的鬆軟嘅皮全部食哂, 剩低係的瘦肉.
跟著仲有呢個糯米鴨, 入面的糯米飯有栗子, 好好味. 的鴨炆得耐, 的肉全部腍哂, 就咁食就麻麻, 但將的鴨肉撈埋的糯米飯就好好味.
食唔哂打包了三四盒, 每人攞的啦.
跟著仲有紅廚上素, 上面係豆腐, 下面係菜, 但實在太夠, 食唔落呀!
餐後有生果
最後甜品係紅棗糕.
呢一餐大家都要不同的評語, 有鄰居話的菜式粗糙, 地方麻麻. 但我地就覺得的食物唔錯. 咁嘅價錢有咁嘅菜式, 非常抵食.
佢地仲有蛇宴, 大約HK$550 一位, 型爸好興趣, 仍話遲的攪個蛇宴呀?
沒有留言:
張貼留言