Da Nang 2018 - 越南峴港 Day 4

Sep 9, 2018, Sunday

嚟峴港四天, 每天都行程緊密, 連最後一天都唔例外.

第二天跟Jack Trans Tour 出海好好玩, 加上導遊Lily 做得好好, 我地join 多一個Local Tour, 早上睇日出及去漁市場.

晨早四點起身, 四點半集合, 摸黑出發

景色非常美麗

最貼心係一上船每人一杯越南咖啡醒醒神.

美麗的日出出, 影咗好多靚相

跟著參觀市埸

跟著去參觀本地人用古老方法整魚露

呢位就係笑容好好的導遊 Lily.

見到咁落後, 真係唔敢買, 但好多本地人買嚟用

Lily 話呢款辣海鮮醬好好味, 但我地都係唔敢買

呢隻就係我地坐嚟隻船, 都唔錯架.

參觀完, 我地就上船食早餐...哈哈, 係海鮮早餐呀!   我地仲帶埋剩低枝紅酒去飲(因為唔想帶返香港)....真係未試過早上七點鐘食海鮮飲酒

參觀完, 我地就上船食早餐...哈哈, 係海鮮早餐呀!   我地仲帶埋剩低枝白酒, 加埋一枝紅酒去飲(因為唔想帶返香港)....真係未試過早上七點鐘食海鮮飲酒.   佢地無問題, 但係我就不勝酒意, 暈暈地呀!

呢個晨tour大約三小時, 我地返到Villa 都只係早上八點幾. 大家可以再梳洗, 瞓番兩個鐘, 十二點集合離開.

我地仲有行程, 就係去市埸買手信...

呢道滿足哂我地嘅需要, 札肉, 豬頭凍肉, 即食河粉, 咖啡.....

跟著响呢道食埋午餐先出機場.  呢杯綠色飲品係咩....牛油果汁...越南的牛油果超大隻, 但味道唔係太濃.

坐傍晚六點幾機, 返到香港晚上九點幾.... 今次真係晨早機去晚機返, 玩足四天.

今次峴港之旅很開心, 令我跟型爸暫時忘卻家裡受災的情況.   但回到家門, 一打開門聞到那霉嗡的味道, 心情由天堂落返現實世界.....唉, 面對啦!!!!