2018 曼谷遊 Day 2

December 1, 2018, Saturday

今天早餐, 非常簡單, 三文治加咖啡, 跟平時上班一樣.

人就是貪吃, 自助早餐就食到過量, 其實食一份三文治加一杯咖啡, 都已經好夠.

食完早餐, 就係我地去泳池hea吓.    坐吓, 囇吓太陽, 游吓水, 真係好舒服. 平時响香港日日都忙忙碌碌, 根木無時間咁做.   旅行就可以輕鬆吓.

Hea了三個小時, 大約十一點半, 上房間梳洗, 跟著就出去. 

坐的士去 Wat Pak Nam, 呢間廟非常出名, 有網頁介紹.

自從擴建之後, 間廟又大又靚.

新泰皇張相取代了已故泰皇的掛像

今年來祈福, 除了為家人祝願平安快樂, 還要為兩位朋友的身體狀況祈福.

拜完神去附近搵間小店食魚蛋粉

跟著坐的士去BTS站 (的士司機淨係識聽BTS三個字), 坐BTS 去翟道翟.   唔坐的士直接去翟道翟因為都幾遠, 的士司機通常唔想去咁遠, 之前都被拒載過多次.   現在都唔會咁做. 載我地列BTS站, 去翟道翟又快又方便.

去到翟道翟覺得無咩好行, 應該話無咩新意.

意大利肥佬唔响道, 今日係泰國小肥仔煮大鑊海鮮飯/雞飯.

都唔明大熱天時, 無雪過的壽司都有人買嚟食.  就算係熟肉我都唔敢食.

呢個大芒果(假的), 好多處都有掛, 因為多咗好多檔賣芒果沙冰.


雪糕店也很多.

買炸魚蛋都有三四檔.

芒果糯米飯, 好味.

賣椰子雪糕都唔知有幾多檔.  型爸食雪糕

我就飲Coconut Shake, 用椰子雪糕, 椰肉加冰打成.

好好味的, 飲飲吓有的椰子肉, 我鍾意呀!

行咗個幾鐘, 都只係飲飲食食.  好似掃街咁.   無行入內街, 因為又熱又焗.    其實最主要係心情問題, 間屋亂糟糟, 咩都唔想買呀!

型爸話好攰, 我地返酒店他息.   大約六點半再出動去食晚飯.

去咗Terminal 21 地庫美食廣場

見到呢間鐵板燒, 就呢間啦.

我問型爸係咪唔食得牛, 佢話牛扒唔怕, 照食....  叫個牛魔皇唔食牛又係好難嘅.  所以通常有病睇西醫, 唔使戒口麻.

叫咗兩份餐, 兩份都係牛扒, 一份西冷, 一份肉眼.   睇個盛盤就知有幾多樣野食.

牛扒炒飯麵豉湯....仲有一份咩?

炒什菜呀!

一人前, 夠食啦.

兩份餐加埋大約二百元港幣.  即每位一百元.

食完行吓Terminal 21, 跟著去Health Land.  大約步行十分鐘便到.

今日兩個都係做泰式按摩.    咁又過咗一天.