五號屋的部落

2011年12月3日星期六

大閘蟹, 暖酒壺, 邊個先係主角?

2011年12月3日下午10:16公開累積瀏覽 63 2

November 29, 2011, Tuesday Night

今日放工去咗針灸, 回家途中, 收到八號部屋女主人電話, 男主人剛從上海回來, 帶了一箱十隻大閘蟹回來, 唔想留過夜, 問我有無興趣幫手食....嘻嘻, 我咁為食, 梗係有興趣啦...

返到去, 都幾夜啦, 好似食夜宵咁...

的蟹啱啱蒸好, 我攞一隻公一隻母影吓相先....唔好淨係睇的蟹呀, 今日唔係要介紹蟹呀, 係放响碟邊嗰個暖酒嘅壺呀!

比個close up睇吓....將個蓋攞出嚟就係個杯, 再攞出嚟中間嗰個係裝酒嘅, 而最大嗰個係用嚟裝熱水用嚟熱酒, 真係好正呀.. 的酒凍咗就可以換熱水. 哎吔! 唔記得裝著酒影番張相添

仲有呢套食具呀

咁都要介紹吓的蟹, 公嘅又係爆哂白膏, 的肉好甜, 掂

母蟹一樣得, 又係爆哂膏

八號部屋再攞多一套暖酒壺出嚟, 呢套有的唔同, 打開蓋中間係杯嚟嘅. 咦, 好似我地用緊嗰套實用的喎

食完蟹, 男主人攞咗呢隻薄片豬肉乾出嚟送酒, 哎吔, 呢隻食咗唔停得口架, 好好味呀..

食完傾咗一陣....嘩! 好夜啦....屋企仲有餐飯等我呀!

2011年12月2日星期五

2011年12月4日下午11:07公開累積瀏覽 116 1
December 02, 2011, Thursday Night

今晚又有的特別, 又收到料有大閘蟹食, 但係唔多, 既然係咁, 我地索性加的料, 令到呢餐豐富的.

天氣驟涼, 最好就係食蛇羹加糯米飯啦, 即時令我同型爸諗起蛇王兄.

放工後, 即刻落太子, 去蛇王兄, 本來只係諗著買外賣, 去到都係忍唔著, 先同型爸叫一個餐兩份食, 頂著癮先... 好味.... 已經覺得好滿足...

外賣到.....買咗三碗大蛇羹, 兩碗大糯米飯

不過我地都係食蟹先, 每人一隻

每隻蟹都有六至七兩, 好靚, 爆哂白膏

食蟹都係要配酒, 今日有一支十二年紹興, 再加一呈放咗二十年嘅加飯酒

再可以清晰的介紹吓個暖酒壺, 外圍大嗰個用嚟裝熱水, 中間小壺盛酒, 而個蓋就係酒杯, 我今次自備話梅. 唔係個個都鍾意加話梅, 加落自己個杯就最好

開始先飲十二年紹興酒, 有的辛辣, 加咗粒話梅, 我覺得好味的喎.

特別的一餐 (14)

飲哂之後就飲嗰呈放咗二十年嘅加飯酒. 酒色好深, 比較醇, 要暖一陣先好飲. 飲咗呢杯酒, 再試番嗰支十二年紹興就覺得呢支好飲好多

今次又有另一款食蟹用具

特別的一餐 (10)

介紹吓的外賣先, 蛇羹, 糯米飯, 外賣都攞埋檸檬草同薄脆

哈哈, 原來唔係個個都食蛇嘅, 今次買多咗, 睇吓的蛇羹, 好大嚿蛇肉架, 加的檸檬草同薄脆, 正呀!

特別的一餐 (12)

的糯米飯就有的凍咗, 再倒出嚟用蒸爐翻熱

另外仲有冬菰豬腳米粉

仲有碟菜, 令到呢餐更加完美

呢餐大家都好滿足呀!

2011年12月1日星期四

八號部屋聚餐

2011年12月1日下午11:10公開累積瀏覽 476 3

November 27, 2011, Sunday Night

今晚嘅聚餐去咗八號屋舉行, 但係地方所限, 唔可以相約太多部屋一齊出席, 咁我地幾家常常開party嘅就梗係台柱嚟啦.

十三號部屋嘅冬菰炆鴨掌

十三號部屋嘅豆豉鯪魚炒油麥菜

十號部屋煎薄餅

十號部屋炒菜心

三號部屋帶子南瓜

三號部屋車乳炆豬肉

八號部屋秘製腩肉, 呢款腩肉, 用嚟送酒, 鹹鹹地乾身

八號部屋生菜冬菰

八號部屋煎鴨潤腸, 佢話要嚟送紅酒好正呀!

五號屋嘅臘腸雞卷

五號屋嘅麒麟豆腐

睇吓, 真係好多野食呀! 八號屋仲整咗個紅蘿蔔蓉炒飯, 不過太多餸放唔哂, 要食飯, 要去廚房裝啦.

我碟麒麟豆腐勁大碟呀. 今日我地都好犀利, 淨係食剩的冬菰鴨掌(因為好大煲), 生菜, 油麥菜, 其他嗰的全部食哂. 哈哈, 食唔哂嗰的要自己拎走架. 我地覺得好滿足, 一定比去酒樓食好好多, 仲可以飲酒添

講起飲酒, 又要睇吓我地今日飲咩野酒啦.