大閘蟹, 暖酒壺, 邊個先係主角?

2011年12月3日下午10:16公開累積瀏覽 63 2

November 29, 2011, Tuesday Night

今日放工去咗針灸, 回家途中, 收到八號部屋女主人電話, 男主人剛從上海回來, 帶了一箱十隻大閘蟹回來, 唔想留過夜, 問我有無興趣幫手食....嘻嘻, 我咁為食, 梗係有興趣啦...

返到去, 都幾夜啦, 好似食夜宵咁...

 

的蟹啱啱蒸好, 我攞一隻公一隻母影吓相先....唔好淨係睇的蟹呀,  今日唔係要介紹蟹呀, 係放响碟邊嗰個暖酒嘅壺呀!

 

比個close up睇吓....將個蓋攞出嚟就係個杯, 再攞出嚟中間嗰個係裝酒嘅, 而最大嗰個係用嚟裝熱水用嚟熱酒, 真係好正呀..  的酒凍咗就可以換熱水.   哎吔! 唔記得裝著酒影番張相添

 

仲有呢套食具呀

 

咁都要介紹吓的蟹, 公嘅又係爆哂白膏, 的肉好甜, 掂

母蟹一樣得, 又係爆哂膏

八號部屋再攞多一套暖酒壺出嚟, 呢套有的唔同, 打開蓋中間係杯嚟嘅.  咦, 好似我地用緊嗰套實用的喎


食完蟹, 男主人攞咗呢隻薄片豬肉乾出嚟送酒, 哎吔, 呢隻食咗唔停得口架, 好好味呀..

食完傾咗一陣....嘩! 好夜啦....屋企仲有餐飯等我呀!