December 15, 2011, Thursday Night
今日又想食蛇, 放工後, 同型爸二公子又去幫襯蛇王兄, 我陪型爸二公子, 順便食少少過吓口癮, 因為一陣間我仲有下場.
呢個係蛇王兄嘅餐牌
我地叫咗一個套餐B, 轉大糯米飯, 轉龜苓湯. 再加一個大蛇羹, 咁就應該夠三個人食. 其實套餐同散叫, 大概相差hk$10.
每檯都有嘅薄脆同檸檬草, 呢道的薄脆好味架.
大蛇羹, 送嚟時滿哂架, 我地用細碗分嚟食. 大蛇羹抵食的喎, 分量比兩碗細蛇羹多少少. 價錢平過兩碗細蛇羹好多喎.
今日又想食蛇, 放工後, 同型爸二公子又去幫襯蛇王兄, 我陪型爸二公子, 順便食少少過吓口癮, 因為一陣間我仲有下場.
呢個係蛇王兄嘅餐牌
我地叫咗一個套餐B, 轉大糯米飯, 轉龜苓湯. 再加一個大蛇羹, 咁就應該夠三個人食. 其實套餐同散叫, 大概相差hk$10.
每檯都有嘅薄脆同檸檬草, 呢道的薄脆好味架.
大蛇羹, 送嚟時滿哂架, 我地用細碗分嚟食. 大蛇羹抵食的喎, 分量比兩碗細蛇羹多少少. 價錢平過兩碗細蛇羹好多喎.
大糯米飯, 又係抵的, hk$25 vs hk$33, 的飯多咗, 但係潤腸嘅份量係一樣. 二公子唔食潤腸, 我地又唔想食咁多, 啱哂.
唔要蛇湯, 要龜苓湯. 不過唔記得加大, 細碗唔夠飲, 咁就等佢兩仔爺飲啦.
兩蛇羹, 一飯一湯, 好夠食呀. 我食咗一碗細蛇羹加少少糯米飯. 其他就佢兩仔爺食, 型爸話好夠呀! 我食少少過吓口癮, 一陣間仲要去lady's night.
睇吓的蛇羹, 的蛇肉大大嚿, 真材實料. 同之前食蛇宴嗰的蛇羹, 真係差天共地.
埋單hk$173...
好味, 快餐食完, 趕下一場啦.
沒有留言:
張貼留言