February 20, 2016, Saturday
返咗一個星期工, 日日做到天昏地暗, 今日唔使返工, 但一樣無得休息, 因為輪到型爸的屋企人來(咁又咪即係我屋企人)
工作太忙, 忙到咁都無心情煮啦. 唔煮都可以食得好開心, 我們再來燒烤樂. 家人平時好少燒烤, 所以佢地都好開心!
雖然係燒烤, 都好有心機買料架, 小牛扒, 法國羊架, 黑毛豬扒, 辣/不辣雞翼, 鱔片, 脆皮辣腸/雞肉腸, 手打魚蛋, 手打牛丸仲有馬鮫魚蛋
Sea Frozen 9"大蝦
佢地真係好心機, 用燒义嚟燒. 哈哈, 平時好懶放响架上面燒, 一次過可以燒多的. 當佢地燒到咁上下, 型爸就會用個架燒大蝦啦.
咁多肉食, 梗唔少得的蔬菜, 不過呢的唔燒啦, 我用蒸爐蒸的超甜粟米, 健康的又好味. 跟著炒咗一碟菜心, 一碟生菜, 唔好淨係食肉, 均衡一吓.
佢地真好, 又燒的羊架比我食.
唔整唔整都係整, 煲咗生滾生菜鯪魚球粥, 奶奶好開心, 食咗兩湯碗.
仲有腐竹蛋花銀杏糖水, 今日得十幾人, 食唔哂一煲, 有的剩
唔知點解佢地咁鍾意食我屋企的麵包, 今日預備咗三load, 只係食深幾塊 (叫佢地留番幾塊比我地明天做早餐) . 的姪仔姪好話, 的麵包又軟又香, 烘咗之後加蜜糖, 真係好好味.
的蕃薯又係好受歡迎. 佢地話飽得滯食唔落, 但係一樣要拎走, 樣樣都話好味. 真係攪到我好鬼開心.
食完就到生果餐
我預備了金菠蘿
佢地帶來了很多生果, 雪梨蘋果可以留得, 都唔切啦(大家都好飽), 先切咗的士多啤梨.
呢幾隻名貴的哥倫比亞麒麟果就真係要大家一齊食咗佢. 姑奶話呢款生果, 要六十幾文一個, 四個即係二百幾文.
切開一睇, 其實係黃皮火龍果...不過又真係好甜, 甜到大家搶著食.
一路切, 一路食, 大家好開心呀!
由下午四點開始食到晚上十點幾, 我令到佢地未停過口呀!
比起上星期三十幾人, 今日只有十幾人, 輕鬆得多. 佢地走時, 我地開三架車, 分別送佢地去西鐵站及上水火車站.
送完佢地走先返嚟開始執屋. 都真係好攰呀! 雖然好攰, 但明天一定可以去行山架!
