海鮮火鍋

 August 13, 2020, Thursday

今天Cindy放假, 我亦安排了家居工作, 諗著可以照顧型爸二公子的飲飲食食.   點知工作忙到不可開交.   午飯的型爸主動提出如果唔介意食即食麵, 佢可以煮比我食.   吓, 咁貼心, 點會介意, 平時唔鍾意, 但久唔久食一次無問題喎.

到下午, 佢見我都仲係咁忙, 就提議今晚食海鮮火鍋, 佢約阿仔一齊去買....哈哈哈, 我忙到天昏地暗, 咁好offer唔使我煮...yeah yeah yeah!!!

佢買咗三隻新鮮龍蝦

蟶子

龍躉骨腩

家裡有網購的多款丸

仲有安格斯牛

洗幾棵生菜就可以

三個人食, 好豐富啦.

型爸話唔食蒸鍋食火鍋... 咁清湯就烚海鮮.

食完海鮮轉麻辣鍋食肉類.

哈哈, 見我今日工作太攰, 碗都唔使我洗呀!

鬼馬墨魚滑

 August 9, 2020, Sunday

近來多了網購, 連凍用類也在香港網購, 唔使周圍走, 訂了送到家門口.   款式仲好多添

呢一款急凍油條都係網購返嚟, 一包有8條, 迷你的.   同在粥麵鋪買的小很多.

再加上網購了一公斤墨魚滑, 咁就嚟個鬼馬墨魚滑啦.

完全無難道. 跟係將迷你油條切斷, 釀上墨魚膠.   放入氣炸鍋, 180度10分鐘, 咁就攪掂.  無需油炸.

不過呢款油條都係一般, 沒有我想像中的脆

又係網購的火腿腸, 味道一般.  好彩只係買咗少少 

清炒白菜

仲有梅菜炆腩肉

呢餐都算唔錯啦.

雪燕雪蓮子桃膠糖水

 August 9, 2020, Sunday

今日煲糖水....養顏潤潤潤

網購了一包雪燕, 今天就試試

這包只有35g, 想想應該夠一次的份量吧.

昨晚整包放入清水中浸, 嘩, 浸起發開好多架, 可以分兩次

上次買了的桃膠

裸粒大

只係一抓手的份量, 發開來有一湯碗

呢的係皂角米, 亦叫雪蓮子

呢一款就唔會發開, 浸開成透明

又要食甜品, 又怕血糖高, 所以用了羅漢果糖

零熱量, 零脂肪

我再加上碎雪耳...今勻真係潤潤潤.   加了十粒紅棗, 去了那些植物的草青味

熱食已經好好味.   雪凍次後食, 好肉食啫喱咁, 一樣咁好味.  所以真係唔怕煲多的.

緬甸椰汁雞湯意粉

August 5, 2020, Wednesday

疫情關係, 常常網購, 估唔到可以幫到傭人姐姐.    呢段時間返唔到家鄉, 想要買家鄉食品都要身靠網購.   佢點識吖, 所以咪幫佢買囉.   咁如果屋企會食用的, 咁當然我比錢啦.

呢包鷹咀豆粉係其中一款.   Cindy常用加在湯裡面.   綠色包裝是沒生鷹咀豆粉, 而紅色包裝的是烘焙過的鷹咀豆粉, 兩款不同用途.

今日煮椰汁雞湯意粉, 要用到呢包粉

用大約三湯匙鷹咀豆粉

先用凍滾水拌勻

另外一包椰子粉, 用凍開水拌勻

調料薑蔥蒜唔少得, 乾蔥頭要多的

全部打碎

落鑊炒香, 加入黃薑粉

雞肉加鹽, 糖, 黃薑粉, 辣椒粉先醃

Cindy 加咗幾隻雞腳, 佢話煮湯會好味的

煎香

加埋的薑蔥蒜蓉, 放落鍋煮

煮好就係咁啦

另外煮一鍋水煮意粉烚雞蛋

煮好意大利粉瀝乾

炸了米紙餅

雞多切好

睇吓見到都開心

食得啦

緬甸椰汁雞意粉....正呀!

义燒蛋, 黃花魚蝦腸

August 2, 2020, Sunday

買咗腸粉專用粉, 呢排一有機會就整腸粉呀!

昨晚整义燒, 留起一的用來整义燒腸

哈哈, 仲有一夜鮮煎咗的黃花魚, 拆肉

今次唔用蛋漿, 煎成蛋皮

另外蝦仁炒熟切碎

粉漿今次改了, 用了1.0 :2.5 的比例

又拎出我的腸粉蒸盤

第一盤整义燒蛋腸粉

今次腸粉比之前厚了一點點, 但依然好薄

哈哈, 真係玻璃腸粉嚟架

唔錯唔錯

跟著又整多盤

下一round就整黃花魚蝦肉腸粉.

加加埋埋整咗十二三盤, 每盤兩條.  不過忙得制, 食時唔記得易張大合照.   因為型爸二公子食得實在太快.   

哈哈, 义燒蛋腸粉好味.   黃花魚蝦仁腸粉仲好味, 仲係自家屋企特有, 外面買唔要架.