型爸話不如我地兩個出去做節啦, 鴻星黃油蟹!! 咦, 好吸引喎, 順便幫二公子慶祝生日, 佢有佢地响屋企慶祝, 我有我地出外食飯慶祝, 真係高興! 上次食唔到, 今次睇吓黃油蟹水尾得唔得. 哈哈! 幾多藉口&理由出去食飯..
今次打定電話去格蘭店定位, 佢話有蟹有蟹....
見到呢套食蟹"架撐"就已經開心.
連牙籤都印上黃油蟹標誌
不過嚟到又係話比我地知無五兩蟹, 最細嗰隻都要八兩, 一係就十兩每人半隻. 都係得幾隻蟹揀. 我地都係耍一人一隻, 八兩就八兩. 揀咗hk$748 嗰個餐, 兩個餐都要加三兩蟹共六兩即hk$480... 每個人差唔多要hk$1,100, 都真係幾貴... 不過一年都係食一次兩次啫....
呢張係出菜單....
每人送廿年彫皇酒一杯, 型爸要開車, 只飲一杯. 佢地話再可送多一杯, 型爸就唔要嘞, 我就再飲多一杯.
黃油蟹嚟啦, 好緊張呀! 好緊張呀! 唔知夠唔夠靚呢?
我呢隻都ok, 頂羔但無爆油.
型爸呢隻睇落好少少, 有少少油.
咬啖先, 有羔, 但始終唔夠香. 算啦, 真係水尾啦. 但比起東海嗰隻, 好得多...
呢個原盅雞燉鳳尾翅都唔錯, 一定好過東海嗰盅翅.
不過呢個柚皮鮑魚就真係唔得, 鮑魚無味, 柚皮炆到過腍亦無味, 差.
呢個XO醬翠玉瓜玻璃蝦球反而幾好味.
呢碟元具小菜遠就真係唔得, 用咗娃娃菜, 又硬又唔甜.
好期待嘅杏仁蛋白奶露, 好稀, 蛋白又少. 型爸話我整得好味過佢地, 我都覺得係...
飯後生果
型爸見到佢地有紫米露, 叫佢攞一碗我試吓, 又係稀到不得了, 差... 點解呢度的甜品攪成咁.
呢餐最重要係食咗我想食嘅黃油蟹, 滿足咗自己心中所想就算了.
沒有留言:
張貼留言