五號屋的部落: 新春醫院小休幾天

2013年2月17日星期日

新春醫院小休幾天

2013年2月17日下午2:41公開累積瀏覽 482 2

February 12th to 14th, 2013

初三晚去到急症室, 唔係好多人, 亦都唔需要等好耐....

一見醫生, 醫生幫我檢查傷口, 第一時間就要我留院, 要在觀察室打消炎針, 留醫就留醫啦, 我都有哂心理準備.

姑娘想將我轉入病房, 但無位呀! 咁我只可以瞓喺觀察室外面只有兩尺寬嘅救護床(當其時都有十幾人等候)   成晚開著燈, 不斷有唔同嘅病人進進出出, 姑娘又量血壓, 探熱, 打針, 食藥成晚都無得瞓呀!

第二朝一早, 有床位了, 姑娘將我轉入觀察病房.   到醫生嚟巡房, 檢查傷口, 不但發炎仲開始有膿 (唔怪得之咁痛), 嗚嗚鳴, 結果要打兩支麻醉針, 醫生做小手術幫我清洗傷口, 從身包紮.

不過清洗完到下午仍未消腫, 醫生再加一種消毒炎藥膏, 搽咗清涼的, 已經每八小時打一次消炎針, 但隻手越嚟越紅腫仲有的癢 .

到第二天, 隻手一樣的紅腫, 我發覺可能對的消炎藥膏敏感, 唔肯再搽的藥膏, 再話比醫生知, 醫生要我再留醫一天.    唔搽的藥膏真係好的, 的紅腫慢慢消退...不過真係好慢, 我住到初五, 下午醫生三點幾巡房, 睇完先比我走, 仲要兩日後覆診, 有事要即刻返去醫院.

嘩! 可以出院, 開心啦.....

呢幾日真係無啖好食, 本來病人係要清淡的, 但係的野食真係難食到暈, 食到第二天真係肚餓都哽唔落...