基圍小館

2013年3月24日下午1:13公開累積瀏覽 164 0

March 21, 2013, Thursday Night

今日Ruby放假, 晚上我地出去食.   型爸已經諗定, 佢話上次去上水水蛇王兄食蛇羹時, 見到附近有個排檔, 好多人食野, 今日就去試吓.

初時都唔知佢地有間鋪仔, 只係鋪仔細細, 晚上附近鋪頭關門, 佢地就將的檯開哂出嚟...好多人幫襯呀!

有打冷同火鍋... 食咩好呢....肚餓時咩都想食...


見到實在丸多人叫火鍋....我地都叫啦.

叫咗火鍋, 又叫咗個枝竹魚腩煲....不過兩樣都要等...


個鍋先上, 揀咗鴛鴦鍋底, 不過配料未到.


呢道係用gas爐, 咁大風點算呢?


呢道嘅老闆好有計, 訂做咗呢個stainless steel 嘅圍板, 檯檯都有, 咁就唔怕大風啦.


睇吓真係好多人, 坐到滿, 跟著仲有人等位添呀!

等咗一陣的野未到, 型爸忍唔著, 又叫多碟滷水拼盤


都好大碟呀! 都只係HK$60

滷水拼盤到, 的火鍋砲料都到啦...都幾大碟, HK$160

最後枝竹魚腩煲都嚟埋啦. HK$38


齊哂啦, 超夠加豐富....肚餓時唔好比型爸叫咁多呀!

型爸叫咗兩礶可樂, 埋單HK$274...兩個人, 好抵食啦.