2019 Canada Trip - Day 1

July 16, 2019, Tuesday

第一次坐東方航空經上海去加拿大, 晨咁早零晨四點半出發去機場, 結果係我成晚都無瞓.

六點去到Premium Lounge, 人開始多, 食少少就上飛機.

到上開十點幾, 再轉乘十二點半機飛Toronto

飛機餐都係咁上下, 哈哈, 唔會好好食, 但個甜品又ok喎.

十幾個小時飛機都真係好攞命, 所以唔係必要, 哈哈, 盡量都唔會飛咁遠.

時差的關係, 同日下午到達多倫多, 我地三個人, 四個大行李一個手提行李, 大公子同女朋友要開兩架車嚟接機,  如果唔係放唔哂的行李呀!

先去大公子屋企, drop 低的比大公子的手信, 拎咗好多野比兩隻猫猫玩呀!  跟著先去家姐屋企.  呢個時間, 家姐姊夫都返咗工, 咁我地就自出自入啦.  三家姐屋企大的, 房間又多, 哈哈, 住得舒服的.

在多倫多第一個晚上就約咗型爸的舊同事, 佢舊同事個仔嚟咗加拿大讀書幾年, 今年啱啱畢業!  平時佢地喺上海, 難得一齊在加拿大, 大家好想見面, 時間難就, 佢約埋我地一家同佢太太在加拿大的親友一起吃晚飯...

呢間酒家我都無留意叫咩名, 第一份上嚟係咩?   哈哈, 係片皮鴨的粉皮....好大陣象喎

朋友叫咗好多菜, 有的都無影相, 因為狀態真係唔好, 超過24 小時無瞓過, 攰得好緊要.

雖然好攰, 但能夠在異鄉都有機會見面, 真係好開心.

食完飯大公子送我地設家姐屋企, 先見到家姊姊夫.   家姊姊夫今年假期所剩不多, 叫咗佢地唔好請假, 留番的假期年底返香港, 所以呢兩個星期, 主要都係大公子同我地一齊去玩.

各自梳洗執拾好的衣物...今晚真的要好好睡一覺.