今朝起床, 隻腳痛到差的行都行唔到, 不過都要梳洗, 先返公司再book醫生睇啦. 睇咗家庭醫生, 家庭醫生即時refer個骨科醫生, 即時同我book埋, 即刻去睇專科. 醫生話我傷咗膝蓋軟骨, 膝蓋腫咗發炎. 照x-ray仲發現膝蓋初期退化. 佢話整親嗰時如果即刻敷冰, 除咗可以止痛, 仲可以消腫. 可惜我膝蓋已經腫咗.
醫生開咗的消炎止痛藥, 叫我唔好行咁多, 快的返屋企休息. 以後做瑜珈唔好做踎同跪嘅動作, 唔好上落咁多樓梯, 你咁後生, 膝蓋唔應該咁快退化.....醫生咁點攪呀! 做瑜珈如果唔踎同跪, 好多動作都唔使做... 唔上落樓梯, 點坐港鐵, 點上房瞓覺呀.....唉!
本來我地今日全家約定去西貢食海鮮, 因為大公子返嚟咁耐, 我地都去過食海鮮, 但而家唔去啦. 返屋企休息啦....食咗的藥, 到晚上好似好的, 但Ruby今日放假, 無人煮飯.
始終都要出去食飯, 搵的開車去到, 有電梯, 唔使行樓梯嘅啦...
上次有朋友同我地講石湖墟街市上面有好多野食, 我地咪上去試吓啦.
上到去, 原來晚上好似只得強記一家獨家經營.
嚟大排檔就要洗吓的碗筷
去唔到西貢, 响大排都叫的海鮮比大公子食吓啦.
仲有呢個球椒炒蜆
大公子話要食椒鹽瀨尿蝦, 只有細隻, 都照叫啦.
煎蠔蛋, 呢碟睇得, 但食落唔得. 田心村生昌整得好食好多. 同大公子講, 佢話又未食過, 型爸又話同佢去食.
呢碟軟殼蟹拼焗羊架可話係超差, 我地試咗的都唔想食, 的醬汁超難食, 的肉超嚡, 唔想嘥野嘅我都要放棄.
叫殼蟹拼焗羊架送Cookie餅, 真係聽都未聽過, 但佢真係送咗盒Cookie, 睇咗, 明年5月先過期. 唔知係咪佢地知道煮得難食, 送Cookie 補償一吓.
今晚都叫咗6餸一湯, 不過我都無咩心機食. 實在有的唔開心...