2011年9月9日 星期五

Macau 兩天遊 - 威尼斯人, 楓竹餐廳, Zaia


2011年9月9日下午2:48公開累積瀏覽 452 0

 
今年真係好特別, 以前幾年都唔會去一次澳門, 今年到今次為止, 已經第三次去啦, 年底應該唔會再去啦.
 
公司贊助全體員工加一個partner, 澳門兩日一夜, 住威尼斯人, 包自助晚餐, 早餐, 睇一埸show.....真係正呀!
星期五下午休息, 坐兩點幾船去澳門

到澳門已經三點幾, 再由澳門碼頭坐shuttle bus去到威尼斯人, 已經差唔多四點.
唉! 真係估唔到, 咁大間威尼斯人酒店, 的服務真係..... 我地總共要四十幾間房, through 旅行社訂, 結果等咗多個一個鐘, 先各自攞到房.  都唔知有無攪錯, 所有房間已經全部預繳, 竟然去到一間都未準備好, 攪到我地成佰人企哂响個大堂.  最差係嗰兩位預責幫我地check in 嘅菲藉職員, 全程黑口黑面, 一的笑容都無.   真係唔明咁大間酒店, 點解的服務會係咁.  比起我地去東南亞旅行, 一去到酒店, 的房會一早準備好, 都費事成團咁多係塞普個大堂.  我地返到香港, 一定會寫投訴信.
卒之五點鬆的先攞到房間.  匙咭套後有一個簡圖指示各餐廳位置




 
 
 
 
 
 
 
 
 
 
 


 
 
 
 

 
 
 
 
 
 
   


 
Toiletries
 
 
 
 
 
 
 
 
 
 
 
 
 
 
 
 
 
 
 
有兩張大床
 
 
 
 
 
 
 
 
 
 
 
 
 
 
 
 
 
對著床呢個係電影櫃
 
 
睡房行落去就係小客廳
有梳化電視櫃
每間房都有fax機, internet
 
最特別發現有本cook book.

影完一輪相都差唔多啦, 休息十分鐘就要落去, 因為訂咗18:00食自助晚餐, 20:00去睇show.
渢竹餐廳
我地成公司佔咗一個L shape嘅大corner.
 
不過buffet 嘅食品就非常一般啦.

我地食到咁上下就比各同事順手發財, 各同事抽一封銀碼不同嘅利是, 另外仲有6份大利是抽獎.
食到19:30, 睇水舞間嘅同事就出發去新濠天地, 睇Zaia嘅同事就可以食多15分鐘, 因為由餐廳行過去好近
我地之前已經睇過兩次水舞間, 所以今次揀咗去睇Zaia

入到去, 並沒有全埸滿庭, 大約只得七八成觀眾.
其實個表演都幾精彩, 但相比起水舞間, 就覺得水舞間比較震撼.   呢個show睇一次就夠啦, 應該唔會再嚟睇.
 
睇完出嚟, 就經過精品店.  真係唔明, 唔通真係有人睇完show會買嗰的禮品.
 
本來都想安排比的同事睇呢個冰Fun 世界, 結果都無安排到, 因為我地的時間都好密, 第二天都係自由活動好的.

睇完show就過去新濠天地嗰邊, 會合幾位啱啱睇完水舞間嘅同事.

2011年9月6日 星期二

西貢全記海鮮酒家


2011年9月6日下午3:32公開累積瀏覽 395 0

 
大公子仲有一個星期就返加國, 呢排就不停同佢呢道食嗰道食.   昨天都無煮飯, 同佢去咗沙田生昌食潮州菜, 煎蠔蛋, 今日就去咗西貢食海鮮.
 
今天我地三人行, 因為二公子去咗宿營.
去咗西貢萬年街呢間全記海鮮酒家
呢間海舛酒家都好大間, 另一面好似仲有一間分店
好大檔海鮮檔, 真係咩都有
門口仲有個大魚缸
呢個係正門入口
型爸同大公子去揀海鮮, 我就睇吓的餐牌
咦! 的套餐都好似好抵食喎.
不過型爸上嚟講, 套餐嗰的海鮮麻麻咋, 自己揀嗰的靚好多.
豉椒炒大蟶子
椒鹽瀨尿蝦
龍蝦刺身(兩食), 嘩! 好鮮甜
老虎班, 正
龍蝦頭, 腳, 用嚟煲粥...好味
呢碟蝦醬通菜都唔錯
呢餐都唔平, 不過的野都煮得幾好味
大公子好開心, 佢話的海鮮好好味.....

2011年9月5日 星期一

紐約芝士蛋糕 New York Cheese Cake


2011年9月5日下午3:27公開累積瀏覽 617 3

 
大公子話上次整的New York Cheese Cake 好正, 叫我再整(仲話最好整多幾個).  其實之前已經多買了料, 預備哂, 今日橫掂都唔出出街, 再整兩個啦, 佢仲有兩個星期就要返加國讀書.
上次買咗2 kg cream cheese, 用咗一半, 今次可以用埋佢.
早幾日入貨嘅sour cream
先將兩個可甩底模唔要個底, 用牛油紙包好
包好之後, 用另一個stainless steel 焗盤盛著, 方便壓餅底
用兩個煲鮮袋, 每個都放8塊消化餅
整好餅底先放入雪櫃
1kg cream cheese 分兩份, 每份500g, 每份加140g 糖, 先打勻
加雞蛋1隻, 蛋黃一個, sour crease 117.5g(半盒), 雲呢拿香油半茶匙, 打至幼滑
攞的餅底出嚟, 落cream cheese漿, "櫈"平
預熱170c, 入爐焗1小時
入爐之後就預備料整餅面.  兩份半盒sour creaem, 各加28g 糖
拌勻代用
焗好啦... 中間有少少brown, 無問題, 都幾靚吖.
先脫模, 將個ring攞走
將的拌勻嘅sour cream 加上餅面
我只係用刀掃平
整完一個再一個
整好後入爐再焗10分鐘
攪掂啦, 我覺得今次整得好靚喎.  代涼就可以入雪櫃, 呢個cheese cake, 一定要夠凍先好味.