收喜貼- 聚餐於陶源酒家

 

December 4, 2013, Wednesday Night

 

呢幾日工作真係好忙, 剛出差回來, 遲兩天又出發去泰國, 的工作做極都做唔完, 煩完一樣又一樣.

 

不過今晚好開心呀! 約咗幾位好朋友食飯....

 

收喜貼呀!   收呢張喜貼真係好開心, 多年好朋友, 同輩中第一個女兒出嫁, 我地睇著佢女兒出世, 到現在出嫁, 闔府統請, 因為我們的兒女大家由細玩到大, 每年都嚟我家拜年.

 





今次選了尖東陶源, 貪佢地方清淨, 食物又唔錯, 方便我地傾幾個鐘

 

不過發生了小小不愉快事, 我們一坐落就叫了一客菜乾白肺湯, 叫佢遲的起, 因為其中一位朋友加班要遲的到.  點知朋友一到叫起菜, 佢地就話買哂....有無攪錯, 明明叫留起, 做咩無咗, 十分不高興....的侍應係咁話攪錯唔好意思, 但我地仍然不滿, 最終經理道歉兼送一份魚湯.   我地亦都不想再為此不悅影響心情, 魚湯就魚湯啦.

 

要了冰燒三層肉, 做得非常好, 的皮好脆....呢, 我都話三層肉比五層好食呢.

荷豆木耳爽, 將荷豆切絲, 又真係幾爽喎.

經理整了個班腩豆腐魚湯

個湯都好好味

呢個海參豆腐煲就肥膩的啦.

梅菜肉鬆蒸菜心

要了一煲臘味飯

每人一碗啱啱好

經理送了甜品, 朋友要了揚枝甘露

我們三位要了杏仁茶...好味.

效了水果

甜品水果都係免費

埋單先知道, 那份魚湯都係送的...

 

我地唔想攞人咁多著數, 比番多的貼士.   我地無得飲豬肺湯, 並唔係想要佢地同賠另一份湯比我地呢.

 

不過佢地服務態度好, 咁下次我地又嚟幫襯呢.  上次同型爸嚟食黃油蟹, 一樣咁好招呼.

 

 

 

海王潮州樓

 

Dec 3, 2013, Tuesday afternoon,

今早為咗個泰國之旅, 又要費一番周章.   忙這忙那, 差點忘了今天下午約了保險公司agent食飯, 好彩有同事提醒兼昨天已經幫忙訂位.

 

選了這間海王潮州樓.

 

以前都好似嚟過, 不過又無咩印象.  由agent選菜吧, 反正我地都無咩所謂.

 

义燒, 都幾腍喎. 

呢碟係湯渣, 西洋菜生魚豬展湯

的湯好濃, 好味呀!

醬爆骨, 我就覺得麻麻啦.

果皮蒸烏頭, 條魚都唔錯

 

欖菜四季豆, 我地無叫白飯, 空口食呢個菜鹹咗的

我嚟呢道係因為想食糖醋麵, 做得唔錯, 不過呢碟係單面黃唔係雙面黃, 只有一面脆.

都幾豐富.

 

埋單四百五十幾, 本來agent話要請, 無需要啦, 我呢邊人多, 由我埋單.

 

不過呢餐我都食到心不在言, 因為不停whatsapp哥哥嫂嫂姪女, 今天一定要決, 如果唔係想改都無得改.  

 

最終兩位哥哥嫂嫂決定唔去, 佢地每人都要損失HK$500.  我跟型爸不想改期, 預備如期出發.

 

泰國紅色旅遊警示

December 2, 2013, Monday.

 

今日好煩呀, 出哂機票買哂套票星期五去泰國, 但香港發出紅色旅遊警示.   今次可以同兩位哥哥嫂嫂姪女七個人一齊去旅行, 真係好難得.   點知現在紅色警示, 攪到去又唔係, 唔去又唔係.

 

哥哥嫂嫂遲的要返加拿大, 無咩時間可以改, 仍未知道可唔可以全數退款, 咁攪發去得成都掃哂興.  我地平時買呢的機票加酒店套票係無得退款, 不過咁嘅情況, 應該有得退. 睇吓明天旅行社答覆全退款要扣多少, 再決定改期或退款啦.

 

今日花咗好多時間去查詢, 真係麻煩哂旅行社的好朋友, 佢比我煩死啦.

 

返到屋企睇東張西望, 泰國當地又好似無事, 但電視播的警民對峙埸面恐怖的.   姪女好想去但嫂嫂唔想去呢.

 

攪到我無哂心機食晚飯...其實今晚的餸唔錯架. 

有栗米煎魚餅

肉碎蛋豆腐

蝦米炒椰菜

 

孜然雞翼

紅蘿蔔薯仔煲魚湯

本來美味的一餐都變得無咩味啦.

 

我呢個負責做聯絡的, 真係一的都唔容易呀!

 

 

我愛撻沙魚

 

December 1, 2013, Sunday Night

好耐都無寫過幾餸一湯, 今日又特別寫吓, 並唔係有特別好餸, 而係我昨天去了深水埗街市買餸, 買了好耐都無食過的"撻沙魚"

昨天用少許鹽醃了, 今天一煎就可以.   呢的只係平價魚, (哈哈, mini 龍利呀!) 但我好耐無食過, 平時好少買.  以前細個, 媽媽買回來, 捲起來蒸, 的肉好滑架.  不過我家二公子唔鍾意, 型爸亦都唔太喜歡,  今次買都預咗佢地唔食, 不過佢兩個食咗少少肉都算比面啦.

 

咁仲有其他餸麻....

 

紫洋蔥三色椒炒牛肉

 

簡單的蒜蓉炒菜心

 

 

二公子喜歡的滑滑蒸雙色蛋

 

仲有花生眉豆璋魚蓮藕湯, 好好味呀!

哈哈, 四餸一湯, 好過出街食啦...兩仔爺無投訴喎.  型爸本來又話星期日出街食, 我出差幾天, 日日出外食, 唔想出去食呢!

嘉龍的澳門豬扒包

November 29. 2013, Saturday

 

今天一早出去同奶奶飲茶, 飲完去咗深水埗買野, 見到樹記...走咗去排隊

 

排咗一陣想走, 跟著又唔抵得, 排吓排吓咗好耐(我諗都有45分鐘), 成條龍咁長, 只得兩個人負責賣野, 我見到有人攞張紙, 咁我又攞張睇吓啦. 寫哂的產品, 有哂價錢, 即係睇定要咩, 去到唔使問嚟問去.  我都要問吓自己, 掛咁耐, 係咪傻架!

 

跟著再去買野, 回程有的肚餓, 突然想整個tea.....我要食嘉龍的豬扒包....

 

話去就去...哈哈, 邊間嘉龍

見到呢副恐龍骨就知係舊嘉龍片場

 

上次嚟食係年初五, 啱啱出院, 醫院無咩好食, 嚟呢道食, 覺得個豬扒包真係好好味.

 

　

我同型爸每一個個豬扒包下午茶餐 

我飲好立克

型爸要凍奶茶

 

咦, 個包有的唔同咗嘅,

打開個包, 有好多醬汁...哈哈, 中式的喎.

不過食落都幾好味(的汁有的鹹), 個包軟咗的, 不過烘過, 都算外脆內軟.

我叫型爸埋單時問佢地係咪有另一款包, 原來佢地有硬豬仔包, 而呢個係軟豬仔包.  我上次食係硬豬仔, 所以覺得個包唔同咗.  我喜歡上次用硬豬仔包.

呢個下午茶餐, 好似係HK$23一份, 不過我無睇價錢, 型爸比咗錢又唔記得比咗幾多.

好味呢! 下次再嚟食過.

 

 

出差寧波 2013 1129

November 29, 2013, Friday

 

寧波的天氣一天比一天冷, 轉眼到了第四天, 今天下午回香港.

早上在酒店吃了簡單的早餐.   其實自助餐有很多選擇, 但我比較悶蛋, 第一天吃那一樣, 連續幾天都是一樣.   對於西式的腸仔蛋, 這幾天都興趣不大.

跟著來一碟水果就夠了.

回到公司與同事做些總結, 差不多十點, 收到會計師的電話, 所有文件已完成....意外驚喜.  馬上與同事到銀行辦理轉名手續.....可惜只是一場歡喜, 銀行需要三四個工作天處理, 今天一定辦不成.   預計兩星期後要再來一次.

十二點便離開寫字樓, 我坐兩點多飛機回香港, 而同事坐三點多飛機回深圳


唉, 港龍又delay一小時, 結果我的班機跟深圳同事的班機差不多時間起飛

本來諗著午餐在飛機上吃便算了, 現delay一小時, 有點餓, 唯有在候機室餐廳吃碗麵

一個套餐RMB73, 有麵, 飲品, 水果.  價錢算合理,  機場另一間餐廳, 大部份套餐都超過一百元.

 

兩小時很快過, 下午五點三十五分到達港.  

 

過關取行理開車回到家已是都七點十分......感覺很累!

 

型爸本來想要出外食晚飯, 幾天沒見, 我明白他的心意, 但我剛回家不想再出去,  在家食點簡單算吧! 

看看雪櫃, 叫Ruby煮了雲吞牛丸生麵

再加一碟菜.  跟型爸簡單的吃了一餐.

回到家真好, 就算是簡簡單單, 都比外面好.