魚湯菜心黃花魚粥

January 25, 2013, Saturday

同幾位鄰居約咗團年, 大家今次唔想食咁多肉.  豐衣足食, 煲粥都好喎.    去年八號部屋煲了菜心黃花魚, 但今年佢地一家已經出外旅行, 咁我請纓由我嚟煲呢款粥.

我還將要求提高一點, 就是餚一個魚湯用嚟煲粥.

 
 呎個十八公升嘅煲, 又可以出埸啦.  先浸4杯米, 用適量水先煲白粥.

本來諗著去買的十文二十文嘅什魚, 但去到街市都無咩呢的魚, 只有池魚及馬頭.  但馬頭比較腥. 買了十條池魚, 兩條珍珠, 三條大星鱸, 咁都買咗百幾文.


 
 的魚先用薑片兩面煎香

 
灒滾水落鑊等的湯煮開變白色

再轉落一個十一公升大煲餚湯, 湯餚了一個鐘, 加落白粥鍋

 

另一邊廂預備了十二條黃花 

  

 入蒸爐蒸十五分鐘

  

蒸好待涼開始拆肉, 魚皮都唔要呀!  拆肉呢個process實在太花時間, 要好小心, 後來型爸見我拆得咁慢, 佢出手幫忙....佢真係好快呀...太多骨嘅部位佢跟本唔揀, 咁咪快囉.

 

  

 呢碗山咁高嘅黃花魚肉, 兩個人拆了個半小時

 

的黃花魚頭魚骨魚皮, 全部放入魚袋, 再放入小煲餚湯....嘩, 餚起的湯甜到.....

話明係菜心黃花魚粥, 咁梗係要菜心啦, 初時我想唔要菜葉, 只要莖但斤半菜只要莖實在太少, 咁唯有菜葉都要啦.  只要略略焯熟, 唔可以焯太耐, 唔係的菜黃咗唔好食亦唔好睇.

將的菜心切到細細

 

 

卒之整好哂的配料啦

 用個十一公升嘅皇后煲,  落魚湯白粥, 滾起加黃花魚, 加菜, 加少許鹽.   攪掂

 

 
食粥要落冬菜, 我用滾水先浸的冬菜, 無咁鹹, 再揸乾水份, 加入麻油撈勻.  型爸話其中一份要辣, 咁另一份加了麻油後再加辣椒粉
  
 仲有一碗蔥, 食時加上去就得啦.

呢煲粥, 我比自己五個字....就係正, 正, 正, 正, 正.

我收到好多個likes呀...個個都食幾碗呀!

呢煲粥買魚都買咗三百幾(全部都唔係貴價魚), 花咗好多時間....但個個都話好味, 咩都抵番啦.