A Touch of Spice

January 23, 2013, Thursday night

呢幾日工作真係好忙, 希望趕埋呢個星期, 下星期可以輕鬆的.   諗起過年放十一日假都好開心.  

今晚型爸約咗美國回來的朋友食晚飯, 朋友要食泰國菜, 我地去了樂士佛臺, 都有一段時間無嚟啦.


呢間 A Touch of Spice, 泰越菜, 唔錯架.

 景樂集團旗下一間食肆.

以前型爸係會員, 常常都到景樂旗下嘅食肆食晚飯, 有八五折及儲分.  最近無再續, 少去咗佢地旗下嘅食肆.

睇咗餐牌, 個四人套餐唔錯, 睇落就算唔要套餐都可能叫咁上下嘅野, 套餐抵的又唔使諗.  本來想加多個春卷, 侍應竟然叫我地唔好叫, 佢話四人餐份量好夠, 好多人都食唔哂.   哈, 佢又幾好喎.

飲品我要了青檸梳打, 三位男士要了啤酒, 法國33及Kirin

前菜係炸魚蝦餅及沙嗲串燒

柚子沙律配米餅....好好味呀!

 

外國朋友吃不了太辣, 要了椰子雞湯

我跟型爸要了冬陰公湯...好味!

呢個肉鬆生菜包好味...不過好辣呀!

呢個炒飯都非常好味

本來想叫明爐魚, 但外國人通常都喜歡炸魚, 要了甜酸炸魚塊

通菜鮮魷.  的通菜有的老呀!

仲有呢個咖哩麵包雞.

侍應將麵包取出切好才上碟.

食物份量真係好足夠, 好彩無加叫春卷.

最後都叫了一個Thai Dessert Platter....型爸都話, 真係食唔落啦.

 

四個人, 食了一千一百幾, 每人唔使三百.   大家都很滿足.

型爸飲了酒唔可以開車, 我又要做佢私人司機啦.