鯇魚野豬肉火鍋

January 16, 2014, Thursday Night

呢排都真係好忙, 忙完客人離開就要忙公司內部事情, 晚晚都要加班. 

Ruby今日放假, 型爸一早已經話要打邊爐, 佢話佢會處理.  型爸不會煮, 但打邊爐唔使煮, 只係預備食物, 佢當然可以應付得卓卓有餘.   不過我地今日都係簡簡單單, 都只係用幾款配料就夠啦.


鮠魚腩, 兩面煎香就得啦, 都唔使煎熟

呢碟係野豬肉.  幾位靚太識到位農夫, 讓咗的野豬肉問我要唔要, 咁試吓啦, 分咗豬腿比我.  我以前都未食過野豬, 想像中野豬的皮唔係黑色咩, 但我見到的皮都係白色.  但肉色就比較嫩粉紅, 肉質比普通豬爽韌鮮甜.

初時都係諗著加的菜

烏冬咁就夠啦.

麻辣鍋都唔想食, 哄係苛咗魚湯濃湯寶

煎好魚放落湯

再加的樹記炸枝竹

三個人食夠食啦. 

今日唔食麻辣鍋係因為型爸要食呢隻桂林辣椒醬, 好辣架.  呢掛成日都係食Ruby嘅印尼辣椒醬, 但唔食咩都落辣椒醬, 打邊爐食有辣椒油嘅啱的.

我喜歡食麻辣鍋, 但食菜又唔鍾意辣, 所以今次都係唔食辣鍋, 要食辣就醮辣椒醬豉油啦.

我地全低食, Ruby 返到嚟....太太, 有的醃咗嘅牛肉, 仲有的丸呀.  佢即刻攞出嚟

不過呢的牛肉, 我地都無食.

但係的丸就食咗一半啦.

結果又變得好豐富, 不過都係食唔哂.   的野豬肉我地要全熟,再加上係腿部位置, 烚起的肉有的硬, 唔夠滑囉, 下次可能用少許調味加的生粉醃吓, 可能滑的.

哈哈, 有個小插曲, 二公子呷醋呀!   話說我地食野豬肉, 放咗落鍋食剩幾塊, 二公子話呢的無調味, 可以比Loki食, 咁佢即刻夾起想比Loki食...咁Loki聽到梗係兩眼發光.   但我同型爸即刻"喝止"...唔好呀! 好熱架, 會辣親佢, 狗唔可以食熱野, 快的用的凍滾水洗吓的油兼解溫.

可能我地表現緊張, 二公子笑著對我地講, 你兩個使唔使咁緊張呀, 鍚佢錫得咁緊要, 我無哂地位啦, 你兩個都無咁緊張我, 我無哂地位啦, 而家我輸比隻狗呀!   我同型爸互望對笑, 唔識即時答佢...跟著同二公子講, 你唔係呷隻狗醋呀....其實二公子又咪一樣咁錫到Loki燶哂.

唉, 我地一家人係咁縱隻狗, 攪到佢越嚟越曳呀, 成日發脾氣...不過我地又忍唔昔著都係咁鍚佢呀!