蒜頭豆豉黑豚梅頭粒煲仔飯

January 4, 2013, Saturday Night

本來諗著食飽暖笠笠, 睡個午覺都唔錯, 但個胃好重, 攪到有的半睡半醒.  諗著睡一個多小時, 到五時許就帶Loki出去行街街.  點知曳曳Loki, 四時十五分就來叫醒我, 他好像知道今天假期, 他可以早些出去.  他不斷在我耳邊嗚嗚嗚, 又再用個鼻來哄我, 一見我打開眼睛, 不停用脷狂吻, 攪到我想唔起身都唔得.  哈哈, 兩個仔大哂都唔會咁樣賴皮嗲我, 現在比隻狗嘈醒, 無得投訴亦無聲出添.

同Loki出去前, 型爸話想今晚食煲仔飯, 哦, 好易啫.   Ruby預備緊晚飯, 見佢整好一碟蒸蒜頭豆豉黑豚梅頭粒, 好, 唔使蒸啦, 就用呢個餸嚟整煲仔飯啦.

本來諗著用LC或Staub嚟煮, 但個個都24cm, 大了一點, 都係用20cm Berndes嚟煮.  洗了1.5杯米(量米杯) 浸一陣.   落了少許油撈一撈的米, 咁樣會唔黐底.

 

 

今次用雞湯煮, 落了一杯(量米杯)雞湯.  洗米時將米浸了一會, 已經吸了很多水份, 所以不需要以一比一的水份去煮.

加蓋煮滾後用勺攪拌一吓, 到差不多水份全收乾

加上已調好味的蒜頭豆豉黑豚梅頭粒.  加蓋以中小火煮10分鍾

唉吔, 忘記加潤腸, 型爸指定要的....馬上用滾水焯煮一條臘腸, 切開兩段再加入煲內.

因打開蓋加臘腸, 我怕不夠熟, 保險一點, 再多煮了5分鍾....再焗熄火焗10分鐘.  打開蓋, 好香呀!

潤腸黑豚梅頭粒煲仔飯

的飯一粒粒, 軟更適中, 因為多煮了5分鐘, 飯底有些燶飯焦.

雖然有燶飯焦, 但並無黐底

這樣看得比較清楚, 一點都沒有黐底.

呢個煲仔飯用了雞湯來煮, 再加上黑豚肉的肉汁, 唔需煲仔飯豉油, 已經很好味.

除了煲仔飯, 還有其他餸菜呢!

炒野豬肉, 這些豬肉比平常的豬肉貴很多呢. 八號部屋送給我,   放了入冰櫃, 差點忘記了.  下午拿出來解凍, 但Ruby又解凍了黑豚梅頭粒, 兩樣都解凍了, 唯有兩樣都煮啦.

魚腸煎蛋

白灼菜心

還有靚湯猴頭菇鯊魚骨烏雞湯

飯好, 湯好, 菜好, 可惜我沒什胃口, 下午吃的常餐好像還消化完畢.  煲仔飯很好吃  但我只吃了半碗加些菜就夠了.   型爸吃得好開心, 但太多吃不下.

吃剩很多呢.   如果二公子在家吃晚飯幫幫手就好了, 難得星期六休假, 他跟朋友出外吃飯. 

 

未吃前己預留餸菜給Ruby, 但最近她要減磅, 每天都跟我說只吃菜不要肉....哈哈, 唯有叫她暫停減磅一天, 幫幫忙吃多點啦.