昨晚除夕倒數玩到兩點幾, 結果三點幾先瞓. 昨晚飲咗的黃酒, 再加上呢排對的Soak off Gel敏感, 食咗的抗過敏藥, 十分好瞓, 瞓到今朝十點幾先起身, 但醒咗都仲係覺得好眼瞓.
午餐隨便食點就算, 食完又想瞓, 的抗敏感藥真係好犀利, 抵擋唔著又瞓, 矇矇矓朧聽到型爸講電話, 林老闆又叫我地一齊食飯喎. 都係唔理, 繼續瞓.
瞓到三點幾, 真係唔可以再瞓, 起身同型爸Loki出去行吓, 咁瞓法真係瞓到同身骨痛.
問型爸, 原來今晚唔係出去食, 而係林老闆親自下廚, 哈哈, 非常好呀! 我又唔使諗今晚食咩.
晚上過去, 唔想兩手空空, 帶枝冰酒餐後一齊飲啦.
去到第一時間, 林老闆整咗碟蒜蓉炒帶子出嚟送酒.
林老闆開咗枝XO一齊飲
呢枝法國XO, 一的都唔平呀, 成三百幾歐羅呀!
煮了毛豆要嚟送酒.
林老闆話今晚中西合璧...哈哈, 我地無所謂, 有得食就得啦.
法國麵包
仲有BBQ後的剩餘物資
呢鍋肉醬用嚟...
配扁意大利粉, 的肉醬意粉好好味呀! 得呀!
食完仲有飯後生果.
呢個時候, 我地女士就飲冰酒...男士繼續佢地嘅法國XO.
十點鐘, 我要早的走啦, 明天要返工. 結果一齊早的散band.
明天開始, 未來這兩個星期將會十分忙碌, 連續兩個星期六都要返工呀! 的客人明天開始就到, 還要比平時早返到公司呀!
假期過後, 又要努力工作啦!
沒有留言:
張貼留言