五號屋除夕倒數聚餐

 

December 31, 2013, Tuesday Night, 大除夕

今日大除夕, 上午仍要上班, 下午放假.  不過工作十分忙, 做到一點半, 手頭的工作仍未完成, 型爸打電嚟催, 我應承同佢地食晏.  唔理得咁多, 明年再做啦. 

食完晏要趕回家, 今晚鄰居過嚟聚餐, 我要做準備呀!

當我預備食物時, 型爸就要攪機...

  

好耐無唱Karaoki,要試吓機試吓咪先得呀

 

我就梗係喺廚房忙得團團轉

  

昨晚已經醃好放入雪櫃的燒腩, 攞出嚟, 用豬針擦狂插, 再搽上白醋鋪上鹽

  
Philips Airfryer又出場啦, 我已經決定, 以後焗燒腩都係搵佢, 火力集中响的皮....脆卜卜燒腩

 

180度焗30分鐘, 的鹽乾哂

 
的鹽乾咗一夾就起.  今次無除錫紙, 繼續放入Airfryer, 再焗30分鐘

除了搽醋放鹽前插豬皮, 亦趁拎起的鹽時再用插針再插的豬皮, 的豬皮熟了, 很客易插, 一插就流的豬油, 咁再焗時, 的皮就會爆凡好靚

 
睇吓, 的皮真係爆得好靚, 今次全程都包著錫紙兜, 的肉一的都唔燶, 亦唔乾, 個Airfryer仲唔污糟添...very good呀!

 
 趁呢個時間, 要切定的薑絲同加熱的阿拉老酒.

 

今次新嘗試, 用樹記新鮮大塊的腐皮包素鵝

 

  
包好煎咗就得

 我的燒腩一斬好上檯, 大家已經開始偷食(人未到齊呀....) 但燒肉梗係熱辣辣脆皮時食好的啦.

 

另外預備了粉絲蝦米煮肇菜

 

 

草菇西蘭花

仲有鴛鴦臘腸糯米飯...

雖然係potluck, 但做主人家始終預備多的餸好的!

再睇吓其他部屋嘅餸....

 

十三號部屋冬菰蠔豉炆鴨掌

 

  
蒜片牛柳粒

十號部屋的砂鍋魚頭煲

 炆豬手

 三號部屋的薯蓉焗田螺

 醬燒豬仔睛

六號部屋的魚翅人參雞

八號部屋未能出席, 送來香檳一枝.  十八號部屋本來要整西班牙海鮮飯, 但因為加班, 八點幾先來到....參予就得啦, 煮唔到唔緊要, 我地今日咁多餸, 一定食唔哂.  下次再整西班牙海鮮炒飯比我地食啦.

真係好豐富呀!  留意吓右手面, 五號屋的焗燒腩, 都未正式開始, 已經差唔多食哂啦.

仲有Mrs Kua整嘅甜品, 非常好味呀!  入面係蕃薯蓉加香蕉蓉拌入Pecan碎, 上面再鋪上胡桃及黃糖, 再入焗爐焗.   大家雖然食到好飽, 甜品一樣清哂.

而我的阿拉老酒, 一酲都唔夠飲, 最後都要再開多一酲呀!

差的唔記得添, 要即刻Whatsapp大公子, 佢十二月三十一日生日, 佢响加拿大, 慢我地十三小時, 呢個時候祝佢生日快樂就最啱嘞.

食完就開始唱Karaoki, 到十二點...大家一齊倒數

哈哈, 仲一齊睇放煙花添(睇電視咋)

跟著唱K到兩點幾... 我地過咗一個熱鬧又開心的大除夕.

新一年, 祝大家身體健康呀!