鯉魚門富臨富貴鮑魚餐

January 26, 2013, Sunday, Hubby's Birthday

今天是型爸的生日, 今年我懶, 無特別為型爸整蛋糕.

昨天鄰居一起團年, 攪咗一日, 今天早上要出去同奶奶飲茶, 跟著要去辦年貨, 還有幾天過年,  我咩都未買呀!

型爸好好嘅, 佢話對蛋糕無興趣, 如果我整咗佢就要食, 咁大個人唔使切蛋糕啦.  佢咁講我心裡舒服的.

型爸喜歡吃海鮮, 二公子話要請爸爸吃飯, 我地都唔想佢太花費.   睇報紙見到富臨買廣告, 响鯉魚門開咗新店, 有個富貴鮑魚餐, 原價HK$330一位, 特價HK$198....咁抵, 一於去試吓.

就係呢個廣告

 

訂位時, 侍應提醒我地要帶呢張coupon, 如果唔係無折架.

我問佢地地點, 佢話對著牌坊.  開車入到去, 停車埸爆滿, 咁我地先落車諗著行入去攞位.  型爸周圍兜拉車位.   後來型爸打比我地, 富林唔係牌劫入面. 係對著停車場新起的商埸地下.  咁我地要行番出嚟.

好彩有訂位...又係全埸爆滿呀! 

攞張咭片, 地址係油塘崇信街8號, 鯉灣天下地　

呢呢張上菜單就知有咩野食啦.

 

辣酒煮花螺, 味道好好, 不過有的似咖哩魚蛋的味道.

呢個海鮮湯真係有驚喜, 係花膠响螺湯

 

呢個湯非常好味.

椒鹽瀨尿蝦, 的瀨尿蝦就細隻的, 不過一分錢一分貨, 係咁架啦.

 

 

蒜蓉粉絲蒸扇貝, 好味.

鹽焗奄仔, 呢隻唔係奄仔, 只係普通肉蟹

 

薑蔥蒸鮑魚


清蒸龍躉件...正, 為咗呢碟魚, 型爸要一個白飯(平時係無飯市民嚟加麻)

睇吓的皮...呢張睇得唔清楚

 

呢張清楚的啦, 的魚皮好厚, 咬落有口感...骨膠原呀!

豉椒炒黃沙蜆, 粒粒都有肉, 無沙

清炒時菜, 碟菜好靚, 但都食唔落

 

最後仲有菜肉飽

個餐每位HK$192, 但要收茶錢及加一

呢個價錢, 入去海鮮檔買海鮮都唔夠呀! 買完海鮮仲要比油料錢.   食物唔係最高檔, 但呢個價錢, 算係好抵食啦.