寶勒巷泰國人餐廳

Jan 9, 2014, Thursday afternoon

 

好耐無去過金田食晏, 今日同兩個同事諗著去幫襯, 去到樓下, 見到今日個set lunch menu麻麻地唔係好啱食.  不過已經到樓下, 都諗著上去啦, 按電梯時, 見到一樓有泰國人餐廳...咦, 好耐無幫襯過, 不如試吓啦,  電梯到了金田三樓, 但我地無出去, 再按一字, 原電梯落一樓.

 

入到泰國人餐廳, 好多人喎, 生意唔喎, 好彩仲有一張檯, 唔使等位.

 

睇吓個lunch menu...咦, 無加價喎，感覺上好似仲減咗價。 

的午市湯粉，炒粉麵飯，全部由三十幾到四十幾文，好似無一樣超過五十文。仲有飲品送，龍眼冰，椰汁冰，椰汁紅豆冰....

 

一落咗單，飲品好快就送到。

 

同事要了龍眼冰，我跟另一位同事要了椰汁紅豆冰

 真係足料有龍眼肉架，紅豆冰都有適中紅豆，唔係只得幾粒。 

 

我要了冬陰公湯河，HK$35.  好鍾意飲冬陰公湯，湯連河飲埋食埋，好夠呀！

同事要了馬沙文牛肋條，即咖哩牛勒條，幾好味，但偏甜。

另一位同事要了濕炒豬肉河，頗大碟，有好多菜，但忘了影相。

以前嚟食過幾次，後來無再嚟係因為叫的食物，樣樣味道都差唔多，由其是炒粉麵飯。

不過今次又覺得ok喎，可能今次之叫的食物每樣味道差異很大，冬陰公湯就係冬陰公味，咖哩就係咖哩，呢兩款濃味分別很大。至於另一位同事叫的濕炒豬肉河，沒有那麼濃味，食落就淡口的.

其他餐廳都加哂價，呢道三十幾四十幾一份套餐，算係好平，唔怪得之咁好生意。

食晏又多番一個選擇點呢。