一份常餐便食滯了

 

January 4, 2013, Saturday afternoon

 

好耐都無試過星期六要返工啦, 過往咁多年都係一樣, 一月份第一及二個星期六, 都要上班, 因為好多外國客人來,  如果星期天有meeting同事一樣要返工.  

 

大家都習已為常, 完全無問題.  因為農曆年假, 我地又會多放幾天假.

 

好快過了一個早上, 午飯時間就可以放工.  當然仲有他同事仍要留低, 而reception嘅同事, 明天都要上班呢.

 

差不多一點半才離開公司, 約了型爸, 又要研究去那裡吃午飯.  型爸提議, 不如去嘉龍吃豬扒包, 再去農埸鮮奶吃燉奶...咦, 又幾好提議喎.

 

開車去到嘉龍, 已經下午兩點幾,  呢個時間, 午餐都買哂, 又凍又肚餓, 改變主意唔想淨食包, 想食的有熱湯的粉麵

 

哈, 有個常餐, 好抵食喎. 又有煎豬扒, 又可配湯意粉, 咁唔食豬扒包, 食豬扒意都一樣啫.

 

即叫...

 一個常餐有煎豬扒,有牛油麵包, 火腿蛋奄列, 仲有飲品.

 

送來時熱辣辣的湯意粉, 好大碗喎!

 

放的火腿蛋入件牛油麵包, 就變成火腿蛋治....唔醒起, 放件豬扒咪豬扒包囉.

我要了熱飲好立克. 

呢個餐都只係三十三文.   如果要豬扒包套餐, HK$28.   呢個餐貴HK$5, 但多咗好多野食..好抵呀!

 型爸都改變了主意, (佢一樣又餓又凍) 要了三絲炒麵配凍奶茶. HK$32

 

 

呢個餐好大份, 唔知係咪食咗件火腿蛋治飲咗的好立克, 先再吃豬扒及意粉,  越食越慢....好夠呀!

食完型爸話啱啱好, 但我就勁飽. 

本來由嘉龍去農場鮮奶好近亦順路, 但食完個餐, 我個胃已經無位, 真係食唔落啦....打道回府啦. 下次有機會再去食農場鮮奶嘅燉奶.

 

返到屋企仲有的飽飽滯滯嘅感覺....一個常餐就攪掂我...無理由吖...

不知是否太飽, 回程時睡魔已經急call, 型爸話難得下午覺得眼瞓, 快的瞓一陣, 五點先帶Loki出街.

帶著一個好重的胃, 去搵周公....