老友老遠從加拿大回來參加朋友女兒的婚宴, 婚宴過後, 各有各忙, 還未有機會再見面. 卒之預約到今天, 大家才再聚一聚.
今日訂了位, 來到同上次不一樣, 坐滿了客人呢! 況且今次唔諗著飲豬肺湯, 有特價火瞳翅, 訂了一份.
坐落先叫了幾款小食
海蜇鴨舌
麻醬四季豆
風味椒鹽茄子
火瞳雞燉翅來了, 佢地話足有八兩翅, 足夠4-5位用
湯料都好足, 的雞腳好好味呀!
一鍋翅加埋呢碟冰燒三層肉拼义燒, HK$498. 不過燒腩仔就好少啦, 只有八小嚿
另外再加了兩個小菜及臘味煲仔飯
鮑絲瑤柱燒玉子豆腐
濃湯海味什菜煲
呢道有個別侍應真係唔掂, 我地明明上次食過煲仔飯, 但我地問點解餐牌上無寫, 冬季時間, 差不多間間酒樓都有煲仔飯. 但那位侍應話餐牌有就有, 無寫就無...
哼, 無可能. 到經理嚟落單, 再問經理, 點解無做煲仔飯, 經理立即說, 餐牌雖然無寫, 煲仔飯可以即做, 只不過要等耐的啫....等耐的無問題, 我地都唔趕時間, 肯定坐兩三個鐘.
臘味煲仔飯大約一小時候來到, 有臘鴨, 臘彩, 潤腸....好味, 但四人份我地都食唔哂, 呢的係剩低嘅,
剩低的臘味飯包起上嚟,足有一盒飯.... 哈哈, pack起叫朋友帶回給她先生吃. 她先生今天很想一起來, 但我地今天沒有預男子組, 咁pack盒臘味飯返去比佢食補數啦.
其實我們個個都說好飽了, 但通常女士說好飽, 個胃總有地方吃甜品.
五個人吃HK$1,280, 羅漢請觀音, 朋友咁遠從加拿大回來, 梗係我地請佢食飯. 每位HK$325.
朋友下星期二回加拿大, 又要等佢下次回來再見面. 至於我地在港的幾位, 下次見面就會去五號屋團拜.
不過而家有Whatsapp, 我地差不多隔日都聯絡一吓, 都無分國界啦.
沒有留言:
張貼留言