京阪神和歌山自駕遊 - Day 1

February 27, 2015, Friday, 年初九

忙忙忙忙忙......嗰頭忙著整糕煮食拜年.....去中山又玩了兩天.....不停食食食....返工兩天, 今天又出發啦, 真係忙到我頭都暈埋, 但難得大公子及家姊姊夫回來, 點忙都要計劃出去一齊玩.

今次係自駕遊, 家姊姊夫唔會統籌, 講到明只係跟著我去玩, 我家三位大爺就更愛理不理, 媽咪你攪掂啦....  我真係公又忙, 私又忙, 樣樣都要整, 真係忙都一頭煙, 又要花點時間去做research, 又要寫行程.   在這裡我要多謝Akiramay 同 Sugiyama san, 佢地幫我book機票酒店, 提供意見景點, 幫我訂車, 訂餐廳..... 真係唔該唔該再唔該, 多謝多謝再多謝, 講過去完旅行回來請她們飲茶.

昨晚食完晚飯回來, 執行理都執到兩點, 瞓咗四個幾鐘就要起身, 我地七點要出門, 去接家姊姊夫, 八點半前要去到機場

坐國泰CX506班機, 香港飛大阪.

哈,今次坐嘅係架新機, 都唔錯喎.

香港同日本有一個小時時差, 下午兩點五十分到達, 攞咗行理後, 我先到郵便局取Wifi Router, 他們留下等租車公司.

講開租呢個wifi router又真係幾好, 6 天連保險都只需Yen5,750, 快LTE, 20GB, 可連接10 個devices.  約港幣三百八十, 真係好抵呀!  我地六個一齊連接, 真係超值.

當我攞咗wifi router返嚟, 點解仲未有人來接我地攞車....點算!  機場有wifi, 即刻whatsapp Akiramay.  點知即時未有回應, 而Sugiyama San幫我訂的租車公司, confirmation 上只有日文, 連電話都無,  都唔知點好.  轉頭見到Information有日本小姐, 即刻請佢地幫忙, 好彩共中一位小姐識講英文, 又肯行出去電話亭, 幫我打電話給租車公司.   租車公司真係有的離譜, 唔知係唔記得定係要我地落機打比佢先出嚟, 那位小姐叫我地上4/F, gate D&E 等租車公司, 不過要要半小時才到. 

大約二十五分鐘, 租車公司卒之到, 佢接我們到租車公司, 辦理手續, 驗車, 入滿油, 正式攞車.   點解我地好似咁麻煩唔喺機場租車....咪一個字貴囉.   機場租車要大約yen120,000(6天), 但現在是yen61,400, 已包保險, 日文GPS及2,000接送費.  同一款車, 相差五萬幾yen, 仲有人嚟接, 咁梗係選擇呢間小店啦(多謝Sugiyama san的幫忙)

攪吓攪吓, 四點幾先開車去京都.   哈哈, 我地都係第一次响日本自駕遊, 跟著指示, 入咗京都酒店電話, 跟GPS就行啦.  不過個GPS只有日文, 我地再用手機用Google map, 雙重指示(Google Map 真係好掂), 兩條路線指示都一樣, 那便放心跟著開車.

本來個幾小時嘅車程, 結果行咗兩個幾小時, 因為阪神高速大塞車.

我地一到酒店放低行理要即刻去食晚飯的地方, 去到已經遲了, 但仍留了位給我們.

這間餐廳叫旬菜咲也, 係Akiramay的朋友介紹....哈哈, 又係全日文, 不過食晚飯, 無問題呢!

呢間小店好細, 去到仍有八個位, 我們佔六個, 我們坐下不久, 另外兩位也到, 滿座.  不過我數一數, 全店只有19個座位, 11個bar 檯位, 另兩張四人檯.  我們要分開座, 四位&兩位.

兩位坐Bar 檯, 四位坐榻榻米

全日文menu...我同那位侍應, 講簡單英語, 要了set dinner.   最後發覺這裡大部份人都係叫呢個set dinner.

兩位師傅即席在bar 檯前整食物

第一道菜, 一個米飯球樣的東西

第二道魚生

跟著是海膽

煎魚

呢份蔬菜天婦羅有的特別, 除了炸露筍外, 綠色那三枝是白蘿蔔上面的三枝莖, 估呂到又幾鬆脆好味.

牛肉

小蕃茄配唔記得咩啦.

呢碗冷麵好好味呀!

最後一味奶油士多啤梨.

玄米茶一杯.

的食物好精緻, 比較細份, 我們女士夠了, 但男士們就覺得唔係好飽.

坐呢的榻榻米真係好辛苦, 姊姊差的起唔到身.  我地走時, 幾他人都走了.   哈哈, 都唔知佢地點維皮, 一晚只做19個客.

埋單yen29,650.

餐廳門口.  如果唔係有人介紹, 我地用GPS, 真係唔識嚟呢的小店.  但我問酒店時, 佢地話呢間餐廳好多人嚟架....但一晚只能招呼19位客人.

我地開車泊設酒店, 我地住日航公主酒店, 可以免費泊車.

差的唔記得介紹我地租嗰架車, 日產Elgrant, 八人車, 座位可前後移動, 如果架車唔係咁大架, 點坐得落我地六個人加七件行理.

呢幾日就靠哂呢架車啦.