鮑魚花膠魚翅湯

February 24, 2015, Tuesday, 年初六

今天一早, 型爸收到林老闆的電話, 叫我地過去飲湯....十一點就飲湯! 咁晨早!!!
 型爸話林老闆有的好野同我地分享.

 
哈哈, 係鮑魚花膠魚翅湯.

好誇張, 的魚翅可以撩牙, 的花膠亦很厚. 好味.   佢地知大公子响加國少食呢的, 猛咁叫佢飲多碗.    呢的鄰居去邊道搵呀!

今日大家都另有節目, 食完翅就走啦.   去咗中山兩天, 屋企仲有好多野做呀!  今晚又出去食晚飯, 真係好唔得閒.

飲咗翅湯, 兩點先食午餐, 去中山買咗盧兜糭, 今日即刻整嚟食.   一隻就夠我同型爸食啦.  大公子飲咗兩碗翅湯, 已經飽到食唔落啦.

 
的糉又幾好味, 入面好多料, 蛋皇都有兩隻呀!

整多碗栗米蕃薯粥, 好夠啦.

哈哈,呢排個胃都好操勞, 今日繼續無得休息, 姨甥約咗今晚食海鮮呀!