中山飲飲食食兩天遊 - 上

February 22 - 23, 2015, Sunday ,  年初四

昨天年初三, 三十幾人嚟我屋企, 真係做到傻咗, 的人走哂清理都攪咗兩三個鐘.  跟著先有時間執兩件衫, 明天出去玩兩天呀!   女人都真係幾麻煩, 無論係一日或七日,出親去過夜都要執一大袋化妝品, 攪攪吓又兩三點先瞓.

第二天七點半要起身, 我地八點半由屋苑出發.  今次五個家庭三架中港車共十三個人.

不過經過虎門大橋, 勁塞車呀! 差唔多一點先到達食午飯的地方.

三架車, 一架經深圳灣, 兩架經沙頭角, 大家約咗响呢間石岐佬集合.  我地架車係最後一架先到.  不過佢地等位都等咗五十分鐘呀!

去到真係嚇一跳, mountain people mountain sea, 人山人海, 門口塞滿人等位. 要排除萬難先行到入去

我地去到, 的餸啱啱送到嚟.... 超肚餓呀!

出名的BB鴿, 肚餓, 好味呀!

都唔知係咩野排骨, 食咗先算

哈哈, 都要提吓呢個茶壺, 係隻肥鴿嚟架!

叫咗好多餸呀!

煎魚餅

紅燒肉

油菜, 大腸

烚椰菜

豉汁豆角(好似話的醬汁係用的鴿肝嚟調製), 又幾好味.

蒸腐皮

頻葉果

苦瓜煎蛋

鯪魚球

炒墨魚咀

 

 黃金大煎堆

個煎埋真係好大, 薄薄地都幾脆架.

呢道的菠蘿包, 真係用菠蘿蓉嚟做餡架.

食完的甜點, 原來仲有兩碟餸未嚟, 石磨煎釀豆腐

脆肉鮠腩, 好味呀!

到的餸清走哂, 先見到檯上的玻璃轉檯原來係餐牌嚟架.

咦, 牆上幅畫, 孫文西步行街, 一陣我地就去行吓.

 

埋單時落到去, 少的人先有機會影吓相

呢到真係好大, 成個街市咁, 盧兜糉, 我要買呀!

仲有菠蘿包, 雞仔餅, 欖角酥都可以外賣

已經差唔多兩點, 仲有人等位呀, 呢道仲可以睇到今日仲有幾多隻乳鴿可以賣.   鄰居話佢嚟到時, 仲有2,000隻, 到我地埋單, 只剩400隻....有無咁誇張呀....

外賣都要排隊呀!  買咗盧兜糭, 欖角酥, 雞仔餅

跟著去行孫文西步行街...又買咗的銀器

呢條街好有歐洲感覺

行完我地去酒店check in

鄰居幫我地訂咗雅居樂酒店.

大約六點半, 我地出發去食晚餐, 呢個時候開始落雨, 個天黑麻麻

去咗一間叫錦興的餐館, 好多人....唔使擔心, 鄰居已經訂咗房

鄰居帶咗枝紅酒,  男士都唔可以飲酒, 因為要開車呀!

的餸嚟啦, 羊腩煲

燒雞兩隻, 好味架

茶樹菇牛肉

蒸盤龍鱔

酸菜大腸

燒鵝

我地叫掌中寶, 點知原來係雞軟骨

上湯唔記得咩野菜, 煮起的湯紫色架.

紅燒豆腐, 好滑呀!

紫薑排骨

叫咗好多餸

仲有呢條鯇魚, 非常好味.

蒜蓉大芥菜最後先送嚟.

食到飽飽啦....今晚未完呀!

我地早食飯, 食完再去食甜品


呢間甜品店响雅居樂花園近入口處

比起香港, 呢道的甜品平少少啦.

我要了雙皮奶, 價錢係平, 但好細碗咋

其他人要了芝麻糊

湯丸

糖不甩

最正係呢碗薑汁撞奶, 好滑...必食呀!

今勻真係好夠啦.

本來想去雅居樂參觀吓鄰局間屋, 但落大雨, 我地都係早的返酒店休息啦.

不過返到酒店附近, 覺得仲係早, 咁就到周圍附近行街, 散步幫助消化啦.