蝴蝶山徑行山樂

March 8, 2015, Sunday

過年去咗旅行, 有兩個星期無同的鄰居去行山啦.  今早零晨送咗大公子出機場, 咁今日就可以同鄰居去行山.  不過只係瞓得幾個鐘, 又瞓得唔好, 狀態不佳呀!

今日我地行蝴蝶山行山徑, 呢道嘅入口近著粉嶺火車站.

一開始就行大斜路

大約十分鐘就到行山徑嘅入口

人口前有個小亭, 有的人安咗的神位响呢道.

跟著就開始上可級, 佢地好似話總並有四百幾級, 先上百幾, 休息下再行二百幾.....

行咗百幾二百級又有個休息亭,呢個亭靚好多, 可以抵受得風吹雨打

吓, 行咗咁耐, 咩只有2 公里

呢道有個小公園, 應該係比的行山晨運嘅人士做運動, 肩關節鍛鍊器

  呢個鍛鍊手及腳

休息一陣又繼續行

又有一個休息亭, 好奇怪, 休息亭有好多個, 但就沒有洗手間

卒之行到觀景臺, 我諗行咗五六百級樓梯無走雞

影番張靚相先啦.

上完山就落山, 跟著又上山又落山...不段都係樓梯級

呢道有個太極兩儀...行入去睇吓先, 哦, 原來地下切咗個太植陰陽.

睇個路牌就知我地行咗1.5小時啦.

跟著要落山啦.

有兩個選擇, 可以行去上水蓮塘尾, 我地今日會去榮昌食午餐, 呢條路應該啱的, 但問過其他行山人士, 佢地呢條路難行, 無正規路, 條路只係其他行山人士行出嚟.    今日地下有的濕滑, 咁我地都係唔行啦.

我地揀咗去上水營盤方向,呢道出口, 距離榮昌都係十分八分鐘

呢條路係政府起, 落山全部都係石級...

 幾百級石級, 都有的辛苦, 膝蓋受力, 有的痛呀!  要斜身落減輕的受力點先得呀!

卒之行到平路, 人竹仔坑村

上水營盤村

行到差唔多出粉錦公路, 有暑協成茶樓

行多十分八分鐘就到榮昌,  佢地好好生意, 有人排隊等位.  我地有的行得快去等先, 我呢的行得慢去到啱啱有位啦.

好耐無飲過呢道嘅紅豆冰啦, 另外兩位靚太叫咗綠茶雪糕紅豆冰

好耐無食呢道嘅豬扒包...麻麻喎, 差咗.

型爸叫呢個白汁碎蛋牛角包就好好味.

另外兩位好肚餓要咗豬扒飯同咖哩牛腩飯

另外一位叫咗乳鴿, 好香, 呀!  個個都忍唔著,叫多兩隻, 每人食半食啦.

今日行都幾係呀...行咗千幾級樓梯...我都頂得著, 勁呀!