京阪神和歌山自駕遊 - Day 2

February 28, 2015, Saturday

昨日趕了一天, 今天可以輕鬆一點, 八點起身, 九點check out.   如果跟旅行團, 06:15就要起身.

我們租著這日航酒店, 選擇了09:00前check out, 不包早餐, 房價會平一點, 將HK$950一晚.  就算平不平我們亦打算這個時間離開.  將所有行理放到車上, 便可起行.

這間酒店幾靚架, check out 時排隊等候, 趁機影番幾張相.  (很多人都是09:00前check out)

 

酒店外面都好靚, 有點氣派

經酒店經理介紹, 我地去咗呢間Inoda Coffee食早餐, 從店外睇,根本唔覺入面咁大

入到去, 餐廳前台係cake shop, 仲有好多咖啡賣, 等位是順道買了些咖啡豆, 好香呀!

餐廳頗大, 有止層, 藍色區可吸煙, 粉紅色區不可吸煙

我們等了大約十五分鐘才有位.

早餐每位Yen 1230

我和姊姊姊夫都要了這份早餐

幾山豐富架

個牛角包好脆....食到好夠呀!  真係唔錯, 今天是好的開始

早餐吃了yen8,435

跟著我們開車去京都出名的清水寺.  去到很多人, 找位泊車亦找了很久, 最後要泊到山腳行上去.  啊, 今天係星期六, 怪不得知咁多人啦.

呢道有好多後生仔拉呢的人力車, 全部都係後生仔拉, 無老人家, 因為條路好斜架.

行上清水寺那條路很多賣手信的商店, 但今天是行程的第二天, 唔買野著.

上到去都係周圍行影吓相咁啦.

有好多女仔穿著日式和服周圍行, 唔好以為一定係日本人呀,我聽佢地傾謁, 有的係中國人, 韓國人, 講廣東話國語都有.

响呢道逗留了一個小時, 我地出發去下一景點, 錦小路商店街

靠個GPS, 大約20分鐘就到.  呢條街好長, 大都以賣食物為主.

其中呢個雞多墨魚仔幾好味, 個墨魚頭塞咗粒鵪鶉蛋入去...好味, 但好高膽固醇,每人食一粒好啦.

行到咁上下, 搵咗間麵店食午飯

又係全日文mene

我地分別要了咖哩牛肉麵

滑蛋豬扒飯

牛肉飯套餐

 
义燒麵

我同家姊都要了這款薰魚面, 香港都未食過呀...幾好味架.

睇睇吓, 原來呢間麵店攞過獎, 不過係咩野獎就唔知啦.

呢餐食咗Yen4,640, 大約港幣HK$300, 每位HK$50, 抵啦.

 

食完去洗手間...哈哈, 都唔係第一次見到呢的一條龍廁所.  日本好多廁所都好細, 佢地個洗手盤就裝咗水箱上面, 一沖水, 水喉就開可以洗手, 洗手的水就落入水箱用嚟沖廁.   咁呢的水梗係淡水唔係鹹水啦.

 

食完我地開車去下一景點, 天滿宮睇梅花.  星期六又係好多人呀!

 

 唉哋, 要排隊入去那個梅花樹園, 我地要考慮排唔掛啦.

 跟我個高頭大碼嘅大公子申高手指張相, 原來入面係咁, 唔排隊啦.

咁繼續行入天滿官入面, 入去前又去洗洗手啦.

呢道都有好多梅花樹, 白色仲好靚添.

桃紅色嘅都有, 只不過無梅花樹林咁多.

周圍睇吓影吓相

又排隊啦, 今次係去搖個大鈴作褔, 咁我地一齊去排隊啦.

行到四點, 我地要走啦, 要開車去和歌山.  

呢個停車場付款機要介紹一下.  駕車泊入停車位, 有個閘會升上卡著架車.  當我地走時, 先按泊車位號碼, 付款.  那個卡著車的閘會降下, 咁就可以將車駛離.

臨上車前買咗包大士多啤梨...yen450...好味呀!

不過人算不如天算, 我地地諗著由京都落和歌山, 大約要兩個半小時.  咁晚上七時應該會到酒店.  點知阪神高速塞車, 我地行咗四個幾鐘先到.   都真係算好彩, 我地八點二十分到酒店, 原來酒店通知Sugiyama san, 如果我地八點三十分前唔到, 就無晚餐食啦.

我地book咗梅樽溫泉Nanki Shirahama Umedaru Onsen Hotel Seamore, 每個房間要二千幾港幣一晚, 包日晚餐.  溫泉酒店附近無咩食肆, 如果趕唔切食晚餐就有的麻煩, 趕咗四個幾鐘頭車, 點會仲想開車出去食吖....趕得切食晚餐, 真係好彩呀!

我地一去check in, 佢地第一時間帶我地去餐廳, 行理都叫我地唔好拎上房著呀!

去到餐廳, 已經set好哂等我地啦.

 

豐富的晚餐, Sugiyama san 好貼心, 幫我地訂了兩款不同的晚餐.  每款三位, 咁我地兩個人可以食唔同嘅野.

份晚餐真係咩都有, 魚生, 龍蝦刺身, 鮑魚, 牛肉, 天婦羅, 斧飯, 甜品,  食到飽飽呀.

趕咗幾小時車好攰呀! 食完馬上攞埋的行理上房休息.


係和式房間, 瞓榻榻米, 我鐘意呀!

我地休息咗一個小時, 跟著落去浸溫泉.   房租咁貴最主要因為係溫泉酒店...要好好享受一下呀!
不過溫泉唔浸得太耐, 浸咗半小時就走啦.   不過沖涼洗頭, 攪吓攪吓都成個鐘.

跟著返房休息, 浸完溫泉, 好好瞓呀!