與老友共聚 - 尖東陶源酒家

March 11, 2015, Wednesday

今年過年都幾開心, 大公子同家姊姊夫返咗嚟, 仲有多年老友都返咗嚟.   初八那天團拜食過一次飯, 今日我地幾位女士再約出嚟再見面順便同佢餞行.

佢呢幾年返嚟, 我地都係約喺尖東陶源酒家

哈哈, 嚟呢道有原因架, 因為唔會太嘈, 坐幾耐都得.   唔會好似有的餐廳, 限著食一個半小時, 唔啱我地呀!   大家咁耐無見, 梗係好多野要傾啦.

 
我地五個人叫咗兩款小食, 一個燉湯, 四個小菜

 
呢款冰燒三層肉, 只得九粒咋

無骨的涼拌沙薑豬手

燉鷓鴣湯

鮮淮山濃湯浸勝瓜

脆枝咕嚕肉

蝦球遼參煲

梅菜肉鬆蒸芥蘭

跟著每人叫個甜品

 
 鮮磨杏仁茶

微形焦糖燉蛋...  點解係微形..

 

 的杏仁茶已經用小飯碗裝, 好細碗, 個焦糖燉蛋個盅大個匙羹小小

我地估芒果布丁都會好細啦, 點知又唔係喎.   睇吓隻serving碟仔就知, 呢碗仲大個隻碟, 但係的杏仁茶隻碗就細過隻碟.

呢餐食咗一千二百文...哈哈, 幾位老友係都要話請我食飯, 話成日去我屋企打攪我....吓, 今晚唔係餞行咩, 做咩變咗請我食...真攪鬼.