京阪神和歌山自駕遊 - Day 5

March 3, 2015, Tuesday

今次住呢間酒店沒有包早餐, 無問題, 出去食仲好的.


近酒店轉角處有間Brothers Cafe, 的咖啡好香, 我地一於入去食早餐.

真係無揀錯呀,份早餐好正, 的烘底三文治好味, 我最喜歡係烚蛋同香蕉, 的咖啡又唔錯, 一份都幾大份, 食唔哂可以留起隻蛋晏的食.  食完我地走去對面嘅McDonald睇吓, 呢間Cafe的價錢好似仲平過食麥記早餐呀!.... 明天要再嚟過

昨晚我地約咗兩位姪女今早十點半响呢道等....點知兩個遲成個鐘先到...仲一包二包, 原來佢地去咗隔離高島屋4/F., 排隊買BaoBao (Issey Miyaki)... 哼哼...咁都唔叫埋我地...姪女話佢張電話咭壞咗, 通知唔到我地, 又唔捨得排排吓唔排, 我地去到都唔可以插隊, 因為派哂籌.   佢叫我地明天去試吓, 不過話排到隊, 都未必有得買.

佢地遲到, 攪到我地失哂預算.  好彩我地叫酒店介紹喺梅田呢邊食神戶牛, 唔使開去神戶咁遠, 可以慳番的時間.

開車去梅田, 泊好駕車周圍行吓, 見到隻大蟹, 係喎, 今次無安排食蟹添....可惜, 我地行程fully booked, 下次啦.

我地嘅午餐, 就喺呢間餐廳食.  係酒店介紹, 咁就唔使山長水遠去神戶啦.

 

呢間Misono 係其中一間Kobe beef專門店

訂咗下午食神戶牛鐵板燒

 

佢地嘅lunch menu只係食普通牛肉, 唔制呀, 我地要食神戶牛. 要了呢個美蘇野menu.  因為食晏, 我地又唔想食海鮮(呢幾日食得太多啦), 所以叫咗6份"美餐, 以神戶牛為主.

份餐都有燒蔬菜

 

但係我地主打都係想食神戶牛

 

Yummy Yummy, medial ware, 但無血水, 好味呀!

跟著煎香頭頭尾尾嘅牛油

炒芽菜

神戶牛油炒飯...好好味架.

午餐食咗yen100,440, 港紙六千幾文...好貴.  但人一世物一世, 貴的都係要試吓嘅.

呢間Misono有好幾間分店, 神戶, 大阪, 京都, 新宿同銀座都有

衣餐廳門口放咗個雪櫃, 搵射燈射著

仲有証書添.

佢地做完午市就休息, 晚上再開

食到飽飽, 我地去咗行公司, 阪急百貨

我同家姊做咗樣傻事.....

 

就係排隊買野....買咩野....kakakaka, 賣一陣關子...  我地响百貨公司外面排隊, 派咗籌之後, 再去另一面排, 跟著有個職員好似帶我地鴨仔團行入百貨公司嘅counter

係卡樂B薯片呀....真係傻架, 買薯片都要攞籌排隊, 仲一個人限買五盒.

其中有一款味道仲一早買哂.  一盒入面有四子包, 500yen, 其實都好貴, 咁排咗隊, 唔買點得呀!

買完我地開車返酒店, 泊好架車, 放低的野再去shopping.   Big Camera買酒, 買模型, 買電子用品, 跟著去黑潮市場, 諗著去嗰道食晚飯.

哈哈, 真係估唔到好多檔口六點幾就收, 家姊姊夫唔想再食魚生, 但大公子好想食, 咁就買咗的預備今晚宵夜.

退而求其次, 求其搵間拉麵食面.  兩位姪女食素, 食麵啱佢地的(下午神戶牛已經無佢地份)


呢間麵店真係好細

 
只可以坐8個人....已經包哂成間店

不過的麵麻麻, 湯底唔口啱口味呀!

都食咗7,700yen

食完行番酒台, 又見到間店

每人又食一個

好好味架....

今日食完未...未呀....

我地在黑滿市場買嘅拖羅, 海膽帶子刺身, 仲要宵夜呀!

又唔抵得買咗Godiva 雪糕.

哈哈, 去旅行係咁架啦, 由朝食到晚...咁難得一家人去旅行, 佢地要食咩就食咩啦.