翻版海鮮餐

February 26, 2017, Tuesday, 年初六

今日姨甥打嚟, 約我地去布袋澳食海鮮, 型爸話布袋澳通常食套餐, 加上好遠, 不如去流浮山.  姨甥話佢驚去海鮮檔比人劏, 咁我地成日去流浮山都應該有個譜啩.

去到流浮山, 我地都係幫襯球記, 姨甥&女兒, 姊夫&型爸四個人去買海鮮... 買完返到嚟坐低, 佢地好開心話一行到海鮮檔, 海鮮檔老闆每人派一封利是, 四個人, 每封20元, 即係80元.....哈哈, 羊毛出自羊身上, 今勻的海鮮一定唔會平啦.

型爸慣性買咗的腰果同琥珀合桃做小食

海鮮嚟啦, 就算唔食食套餐, 自己買海鮮都係嗰的, 同上次我地嚟食嘅翻版一樣.

白焯蝦

白焯花螺

豉椒大蟶子

蒜蓉粉絲蒸扇貝

酥炸生蠔

椒鹽鮮魷

椒鹽瀨尿蝦

老虎班

薑汁芥蘭

海鮮湯

今日埋單真係貴咗成30%, 上次同鄰居嚟(8個人), 埋單海鮮連油料錢HK$4,200.  今日9個人, HK$5,480.   我問老闆娘做咩今日的海鮮咁貴, 佢話新年無海鮮返, 所以加哂價.

唔止海鮮, 佢油料錢都收咗我地千幾文, 哈哈, 新年係咁架啦.