入伙的一天

March 12, 2015, Thursday

忙呀忙呀! 忙咗五個幾月嘅深圳寫字樓, 卒之今日入伙啦.  不過因為農曆新年, 停咗三個星期工, 有好多野都未整好, 但都要如期搬遷.   搬咗入去再繼續執啦.

老闆今日有事, 我同另一位同事, 上去寫字樓做的拜神儀式.

其實我都唔識架, 之前買屋都係去紙札鋪問人要買咩就跟著做.   不過同事講嘅同我之前做嘅有的唔同.  不過我覺得無所謂, 但求心安啫, 同事話點就點啦. 入伙拜四角, 連埋中間要就要五份寶祝.

煲吓水, 開吓風扇, 攞其意頭, 風生水起....哈哈, 呢的野, 我鬼佬老闆點會做, 都係我地幫佢做啦.

不過今日有的突發事情, 攪到我地的時間好緊張.

老闆個表弟在國內入咗醫院, 睇咗報告話有潛在危險, 要盡快返香港做手術.  點知佢個passport 寄咗去做簽證, 攪到我地要周圍搵個agent, 追個passport返嚟.   又好彩下午4點可以攞返個passport, 跟著去東芫睇佢.

去到見到間醫院都幾好, 私家房, 那裡嘅主診醫生咁啱係留學加拿大嘅中國人.

跟著同佢出院返佢屋企攞的野, 搵到商務朋友有中港車, 唔使佢騰上騰落過關, 由東莞送佢去養和醫院,  去到養和醫院都已經晚上九點半.   老闆已經在那裡等.  

攪到咁夜, 都無哂心機食野, 坐的士返屋企.

返到屋企十點幾, Cindy都已經瞓咗, 我自己都唔想煮, 攞個日本買返嚟個撈麵食吓就算.

撕開包裝, 入面有教點食, 只需加水至八分滿, 焗4分鐘

撕開角落的錫紙, 將水倒出.

咁就食得....

唔係, 仲要加的味粉撈勻.   晚餐就係食呢盒撈麵.

今日就係咁過咗一天...一個字....攰呀!