2014年3月4日 星期二

徐小鳳演唱會

February 19, 2014, Wednesday Night

今日好開心, 姑奶約我去睇演唱會.   事原姑奶個姑仔睇錯時間, 買飛時以為仲响香港, 後來先知呢段時間要飛返美國放假, 哈哈, 咁我就好樂意頂上,

去紅館睇, 我就好方便, 姑奶放工後過尖東搵我食晚飯先.

都係隨便去茶餐廳食, 去咗太興, 我真係好少嚟食晚飯, 咩原來叫我小菜套餐咁貴架.   HK$78一個小菜,  HK加$19變套餐.  所謂套餐係一個小菜, 一碗白飯, 熱飲一杯
 
我們要了柑桔蜜及檸蜜

菜遠牛柳條
 
豆腐青衣魚腩煲
 
每人HK$97, 好彩唔使加一.   我覺得貴囉.

HK$380嘅飛, 應該係坐喺山上面.

都算準時開show, 小鳳姐八時二十五分便出場
哈哈, 一睇我影的相就知我坐得幾高, 中半山.  整個舞台都睇得好清楚.  不過個人樣就麻麻啦.

小鳳姐真係好多擁躉, 四面開哂, 全場爆滿.   今日係佢第一埸, 嘉賓有盧冠角廷, 最後仲有鄭秀文.  小鳳姐風趣幽默, 絕不欺埸,  唱足三個小時, encore 時著佢件招牌波點晚裝出場, 十一點幾先散場.   雖然我唔係小鳳姐歌迷, 我都覺得好抵睇呀!

唔覺唔覺, 小鳳姐已經變成老牌歌手, 仲可以開咁多埸演唱會, 仲有咁多人捧場...叻呀!

2014年3月3日 星期一

五號屋團拜BBQ

February 16, 2014, Sunday

過年咁忙, 跟著又去旅行, 仲未有機會同的老友一齊團拜.

不過人算不如天算, 其中一位老友病咗,一家未能出席.

我今年都係唔煮呀, BBQ算啦.  除咗招呼一班老友之外, 仲招呼埋的鄰居.  上兩年我的老友嚟, 的鄰居都一齊嚟, 大家見過兩三次.  咁多人一齊BBQ就高興的啦.

下午的老友嚟到, 我先焗的脆皮年糕比佢地食.   晚上先叫的鄰居一齊過嚟BBQ.

四塊美國牛, 切開容閉燒的, 點知呢的美國牛燒起好韌呀!

反面的澳洲西冷同肉眼燒起腍的好食的.

一大堆什丸

五款腸

雞翼兩款口味, 我就鐘意食辣嗰款

大大隻扇貝

又係上次勁大隻嘅蝦

仲有多春魚

粟米蕃薯唔少得

仲有菜同什菇

BBQ我通常都會煲栗米蓄薯粥

仲有腐竹雞蛋糖水

二公子大個仔啦, 幫忙燒的野大家一齊食.

其實BBQ我麻麻地, 對著的爐火, 雙眼好乾, 我都係比較喜歡不勞而穫, 唯有叫佢地燒比我食啦.




2014年3月2日 星期日

姨甥家火鍋聚餐

February 15, 2014, Saturday night

明又家姊姊夫要回加拿大, 今晚同家人又有機會再聚一聚.   姨甥同佢太太從未試過招呼咁多人, 亦煮唔到咁多餸, 所以最好就打邊爐, 淨係買料, 我地一齊烚吓烚吓咪得囉. 

姨甥買咗好多野呀....

兩款菜及調味

脆肉鯇

蝦
三大盒肥牛

牛栢頁, 工人姐姐切得好企理呀!

兩個鍋, 粟米紅蘿蔔湯底

响鈴

什丸, 韓國年糕

什丸魚皮餃

珍珠生根

   
手打墨魚丸

炸魚皮

我地其十三個人, 的野又係多到食唔哂.

食完我就入去焗蛋撻
 
一拎出嚟個個都嘩嘩嘩...哈哈, 飽都要繼續食呀!
 
仲未完呀, 因為我又整咗豆腐花呀!

 整比大家食時, 又係嘩嘩嘩, 好滑呀好滑呀, 加的紅糖, 加的紅糖

家姊訂了蛋糕, 今日無人生日, 佢只係想同孫女一齊切蛋糕影相.  平時分開兩地, 只可以响internet通電話.

仲未完呀!  我整咗兩底脆皮年糕, 大嘅比家姊拎返加拿大, 咁大公子同細姨甥都有得食.  另一底就切開焗一半大家一齊食啦.  另一半就留比姨甥一家慢慢食.

計吓計吓, 今年我整咗六底脆皮年糕, 明天的老友嚟, 我仲要整多兩底呀!




2014年3月1日 星期六

熱辣辣蛋撻做拌手禮

February 15, 2014, Saturday

今晚會去姨甥家打邊爐, 一早應承了姨甥的女兒整蛋撻給她吃, 亦可作為伴手禮

材料: 鮮奶80g, 忌廉60g, 熱水225g, 糖80g(可加多少許), Vanilla oil 5g

雞蛋3隻(如在雪櫃取出, 先用水沖洗一下)

熱水加糖拌溶

加入雞蛋, 奶, 忌廉打勻

下之應將雞蛋打勻才加入, 那比較容易打發

最後用篩將蛋漿過濾, 隔去雜質.   放入玻璃瓶, 再放入冰袋就可以出發

平時我的焗爐就200度焗15-20分鐘, 但姨甥家的爐火比較猛, 將爐溫調至190度

焗了12分鐘的蛋漿已經升起, 我打開爐邊,繼續多焗幾分鐘

出爐啦....總共焗了18隻.   的蛋撻好味, 但的皮就有的鹹味.  以前用原味撻皮都未試過覺得鹹.  下次用甜撻皮試吓.

我覺得的蛋漿唔甜, 啱我, 但姨甥佢地喜歡甜的, 我下次可加多一點糖.

食新鮮出爐嘅蛋撻, 真係特別開心架.