2014年3月9日 星期日

餐後酒聚

March 1, 2014, Saturday

今天下午我們屋苑開業主大會, 哼哼, 竟然有很多業主沒有出席, 還好不致流會, 有很多大事要商討, 為各屋苑戶主慳荷包啊!

會議完畢, 我地幾家相聚, 今晚又即興, 晚上九點, 到八號屋酒聚.

話明酒聚, 梗係飲酒啦.

陶爸剛從外地回來, 在機場買了一枝Glenfiddich

 
呢枝係125周年紀念版, 馬上開了.  大家試試, 煙薰味好重呢...重口味, 啱男士

呢陣子五號屋常常胃痛, 不適宜飲酒, 但大家那麼高興, 我帶了一酲多黃酒給女士們飲.

 
這款阿拉老酒, 上次開了兩酲, 飲剩了四份一吧, 再加一酲, 應該夠飲了吧!

大家都帶了送酒小食, 我們從高雄買回來的魚乾魚酥, 用來送酒最啱.  跟著有兩款火腿, 家鄉花生, 豬油渣... 豐富到不得了.

本來諗著唔飲得酒, 怎知飲了加了薑絲的阿拉老酒, 個胃覺得十分舒服, 哈哈, 可以陪各位女士一齊飲啦.

結果4位男士飲了一瓶700ml whisky, 5位女士飲了1.8 liter阿拉老酒...盡興呀!   佢地話黃酒補身, 唔知係咪呢?


2014年3月8日 星期六

大帽山半天遊

Mar 1, 2014, Saturday

昨晚實在太高興,回到家喉嚨又痕又痛, 整晚都睡得不好, 很辛苦. 不過身體時鐘, 早上七點幾便醒來, 雖然攰, 勉強亦不能入睡.

差不多十點, 型爸突然提議, 不如今早帶埋Loki一齊上大帽山.  見型爸興致勃勃, 去就去啦.

我地開車去到大帽山, 再從小路再上去.

沿路都有多人行山 (不過我地開車), 上到去最高先行呀!

 
到咗啦.

大帽山郊遊地點5 號埸

對面有間荒廢了的石屋, 我地經過外面,唔敢行入去呀!

風景都好靚呀!

不過好大霧呀!

Loki好興奮, 跟著型爸一齊行

行到去南面觀景台

好大霧呀

再去北面觀景台

呢面各元朗方向
我都係第一次嚟咋.

下面的屋細到好似石仔咁.

行咗一陣我地就離開啦.  本來型爸想去農場鮮奶食公仔麵加燉奶, 但我胃唔舒服, 唔想食呢的.

帶著Loki, 只可以去嘉龍

  
型爸隨便要了個火腩飯

我要了碗魚蛋粉加好立克算了.

半天遊好快就過了.

食完回家休息, 下午五號屋要舉行業主大會, 好多重要事情要傾呀!


2014年3月7日 星期五

公司Annual Party

February 28, 2014, Friday

自從放完年假返嚟, 真係忙忙忙忙, 好多野要準備, 卒之到咗今日公司annual party. 今年跟往年一樣, 都係响國內酒店舉行, 咁樣就可以同國內同事一齊慶祝.

上午十一點同兩位同事一起離開公司, 早點到埸地打點一切. 下午一時, 到了福田, 先醫醫肚.

呎幾天都係無胃口,要了水餃麵.

另一位同事要了大蝦芝士伊麵, 嚟國內食呢的, 我見到都驚

另一位同事要了鐵板肉碎豆腐, 我試咗的豆腐, 好好味架, 送嚟時唔記得影, 食完先嚟影塊鐵板.

 
國內同事嚟到, 佢叫了煎肉餅飯, 佢話都幾好味.

食完我地快快起程去埸地啦.

 大約兩點半到會埸, party五點先開始, 仲有兩個半小時, 足夠我地準備一切

五點鐘, 香港同事坐的旅遊巴到了, 而國內的同事亦差不多到齊, 只等老闆及幾位外藉客人.

席設九圍, 人齊先影大合照.

今次我地早點開席, 咁負責做司儀都可以食咗野先.

乳豬全體

加拿大蟹上湯伊麵

腰果西芹帶子

美極煎大蝦

髮菜28頭吉品鮑魚

沙律海鮮捲

清蒸珍珠躉

香酥排骨

呢碟本來係蒸清遠雞, 我地改咗花膠

跟著仲有炒飯, 但我地呢的工作人員, 要開始工作, 無得食啦.

國內上菜, 一次過不停上, 連生果同美點雙輝, 都一齊放哂上檯, 叫都唔停呀!

不過到咗我地玩遊戲嘅時間, 大家都唔顧得食, 全部都擁到臺前.  

攪咗幾個team work遊戲, 大家玩得好開心, 贏咗有獎金, 輸咗有利是, 個個都願意出嚟玩呀.

老闆好大方, 我要求嘅budget 佢都答應, 等我可以大灑獎金, 出席嘅人, 一半可以抽到獎, 抽唔到, 都有安慰獎呀!

做司儀,攪到聲都沙哂, 不過大家都咁開心, 無所謂啦.

可惜五號屋都係抽唔到, 不過我一樣有安慰獎呀!

忙完呢個party, 下星期又要飛寧波, 又要忙第二樣呀!

2014年3月6日 星期四

清湯魚鍋

February 21, 2014, Friday Night

今日食完午飯, 個胃就開始有的唔妥, 都講唔出係點, 好似有野梗著. 下午响Wing's 食咗西餐啫, 其他咩野都無食過.   轉頭型爸打電話嚟話今晚想食魚鍋, 雖然我個胃有的唔舒, 不過無掃佢興呀,  魚鍋就魚鍋啦.

晚上返到屋企, 唔止個胃, 個肚都開始有的陰陰痛, 咁型爸話唔好食辣啦, 唔要麻辣湯底, 改用胡椒清湯.  佢要食辣就醮桂林辣椒醬算啦.

食法都係一樣, 兩面煎香個魚腩, 放入鍋內滾熟嚟食.

火鍋配料都係嗰的, 牛肉金菇, 什丸

炸枝竹+烏冬+ 菜

個胃越嚟越痛, 跟本無心機食, 食少少魚同菜就算.  由得佢兩仔爺食啦.

唉, 痛咗一晚, 第二日都無好轉, 諗著都係腸胃炎, 食一日粥應該無事啦.   點知星期日仲係好痛, 去睇醫生, 醫生都話係腸胃炎, 呢幾日食清的, 打咗枝針, 一兩日應該好啦.   點知個胃唔舒服成個星期, 完全無胃口, 結果食粥食咗足足一個星期先好番的咋.

哈哈, 自動減磅...今勻都唔知食錯咩呀!

2014年3月5日 星期三

Wing's Kitchen

February 21, 2014, Friday afternoon

自從Sticky Finger無咗午市之後, 我地真係約有所失, 嗰日經過寶勒巷轉角位, 見有間西餐廳, 今日同兩個同事去試吓.

 
呢間叫Wing's Kitchen Modern Italian Restaurant

  
Today's special

  
午餐有不同的選擇

 
仲有Vegetarian Menu
我要了lunch set配水牛芝士鮮茄意粉, 的意粉酸味太重, 我麻麻地鍾意


另一位同事要了lunch set, 沙律配煙肉雞肉意大利飯, 呢個意大利飯做得唔錯

另一個同事無叫套餐, 只要了煎蛋肉醬意粉

原來每一份係HK$48, 變套餐就加HK$15.  即係HK$63一個餐

佢地仲有優惠, 五個人嚟送一個餐, 但我地三個人就無優惠.   如果我地往後消費滿一千, 就可以攞張九折咭.

不過我食完無耐就開始覺得個胃同個肚唔舒服, 都唔知入唔入佢地數好.