日日都係生日

January 26, 2015, Monday

型爸今日生日, 但我好公司事務, 忙到傻咗, 無法分身, 型爸話唔使我張羅, 今晚由佢攪掂.

哈哈, 咁體貼?  由佢攪, 攪得的咩吖, 咪打邊爐, 咁佢生日食佢喜歡歡嘅野, 都係好啱嘅.  牛扒海鮮都食咗啦....kakakaka, 其實咁咪即係日日都生日囉.

我返到屋企就有得食啦.

型爸都好體貼, 問我鍾意食咩野菜, 我覺得打邊爐就最好食唐萵同生菜啦.

不過佢唔記得將的手打牛丸同馬交魚蛋早的拎出嚟...哈哈, 仲係冰架



 
 佢唔知二公子帶埋女朋友返嚟食飯...買咗好炒野

咁食烏冬同多的菜都夠嘅

好彩我有Black Angus切片嘅牛肉, 真空包裝, 好容易解凍, 食咗四包, 即係兩磅.  咁即係食咗4塊8oz 牛扒架啦.


型爸攪嘅係咁上下架啦...食得飽食得開心就暖緊要.

二公女朋友買咗個白桃蛋糕祝型爸生日.  咁人地咁有心, 梗係切呢個蛋糕先啦.

食完我再切的Cheese Cake 一齊食.....

呢餐又係好夠呀!  生日快樂, 一家人開開心心....大公子好掛著你.

金田日本料理

January 26, 2015, Monday

好耐無去過寶勒卷金田食午餐.  今日走去幫襯呀!

生意難做, 周圍附近咁多競爭, 價錢又唔可以加幾多, 食物質素又唔可以太低,真係點做.

上到去都仲有好多吉檯.


慢麼麼要了鐵板牛柳粒, 佢話都幾好味  HK$50

 
 我要了韓式海鮮鍋, HK$50, 不過入面只有帶子, 味道亦無樓下漁屋嘅泡菜魚鍋咁好味.  不過都ok嘅.

麻煩鬼同事今天特價午餐唔啱食, 要了另一款午市便當, HK$58

價錢呢道附近間間都差唔多,  金田曾經係我地每一星期一次的飯堂, 但現在一個月都未必嚟一次.  唔係的食物好差, 只係選擇多咗無嚟啫.

希望捱得著啦, 响三樓係蝕扺的架啦.

鹿頸南涌新娘潭行山樂

January 25, 2015, Sunday

連續幾個星期都去行山, 今日都唔例外 .  我地呢的初行者, 每次都係行兩三個鐘, 好小兒科呀!

今次都係行鹿頸南涌, 頭一段同第一次係一模一樣.   但到尤德亭之後, 我地不行回頭路, 改由另一條山路離開.

呢條路線係八仙嶺郊野公園的一部修

咁上到嚟尤得亭都影多張相啦.

我地由南涌行到呢道係一小時

我地由繼續由新娘潭方向行

就係行呢的山路

行呀行呀...呢道有好幾間荒廢了嘅屋

又有洗手間, 的洗手間好乾淨, 真係要讚吓

又有呢的恐怕屋

 

就响廁所另一邊

 
 行呀行呀, 行到鹿頸村啦.

呢道的屋都真係好古舊, 亦些已經荒廢

 

睇吓的屋嘅建築方法, 起碼起咗一百幾十年

有間屋的門口有個推磨...寫著切勿移動....咁重, 點移

行出鹿頸村啦...有張貼著, 反對手機公司在這裡設立轉播台...吓, 的後生點肯返嚟住呀!

呢的屋就好似新的, 呢的起咗四十幾年啫.

行出鹿頭村, 就目到BB開心棧同陳鳳記, 上次食完BB開心棧, 今日梗係食陳鳳記啦.

 
 呢間真係好生意, 聽蝦哥講, 店主由英國返嚟..哈哈, 响menu印著英國旗, 唔通係英式茶座.

呢道有All day Breakfast, 鄰居話幾好, 咁我地叫嚟試吓啦.

另外叫咗一隻雞(分兩碟),

兩碟鴨胸

一客酸菜豬肉 (呢碟都係麻麻)

我們要了蒸餾咖啡...原來都係用呢的咖啡壺.  呢道的咖啡好淡...我諗店主應該係唔人飲咖啡的.  唔得呀!

鄰居話奶茶唔錯, 我無飲唔知好唔好飲...呢的都係好講口味.

餐蛋麵都係咁.

我地大都叫了All day breakfast, 無咩特別.  反而佢地自家製嘅果醬就唔錯.

的豆腐花無BB開心韌咁好食, 唔冷唔熱, 唔夠滑呀!

呢餐一的都唔平, 每人要百幾文.

食完我地要繼續行, 大約仲有二三十分鐘行程,  行返去攞車

亦專誠去拜吓關帝廟

今日加加埋埋都行咗三個幾鐘, 只係初段上鈄有的索氣, 跟著都好輕鬆.

晨早行一行, 真係唔錯呀!