好耐無整麵包, 其實都好想整, 但有時睇見的蛋糕咁昜可以整, 就改變主意唔整麵包整蛋糕. 整咗好多個星期蛋糕同曲奇 (因為整蛋糕同曲奇成功感好大), 今個星期, 一於整麵包.
講起整麵包, 首先要多謝鄭小b媽, 佢多年前送咗個麵包機比我, 自始呢個就成為我另一個心愛的玩具.....呢呢呢呢呢.... 就係呢個勒! (再次多謝鄭小b媽)
我唔止係有小小鍾意佢, 直情係好鐘意佢呀!!!! 自從有咗佢, 就開始咗我不斷"整包的日子" (咁又好似誇張咗的, 因為搬屋嘅關係, 都曾經差不多一年無同佢玩).
開始嘅時候, 我同佢一齊玩原機教的recipes, 玩耐咗, 我就開始轉玩自己的口味, 做出嚟嘅麵包有時鬆軟, 有時比較硬(無法啦, 想玩原創, 又無搓包嘅技巧!). 慢慢又開始覺得無趣, 因為做起嘅外型, 得一個款式, 只可切片來食. 咁我唯有再去尋找整包搓包同做型嘅技巧.
但係我無放棄佢, 而家每次整麵包, 都揾佢做我partner, 佢會幫我做最開始混合麵糊嗰part, 等我的gel 甲唔使咁慘. 而佢最得我歡心就係一心二用, 一次過可以做兩款唔同嘅麵團.
你睇吓....
左面係我預備用嚟做老麵, 右面嗰份係用嚟做cinnamon rolls, 係咪好正呢?
我而家等緊佢new model 嘅兄弟, 聽講會多的function 玩...
沒有留言:
張貼留言