Panorama Hotel 2nd Anniversary

2010年6月10日下午3:05公開累積瀏覽 103 1

今日應邀出席Panorama Hotel 2nd Anniversary 晚會, 只可用兩個字來形容: 失望

 個party 响酒店40樓舉行, 其實地方本來唔錯, 可以看到香港嘅夜景, 但係大部份地方用咗嚟setup, 舞台, 遊戲, serve 飲品/爆谷.  個Entrance 已經比reception coutner 佔用哂, 應邀嘅嘉賓一出lift 行兩步已經去到counter 登記.   出席人數應該超過一百人, 再加上工作人員和酒店職員, 個地方根本"塞"唔落咁多人, 每個人都係側身而行.
相信大會已經盡力, 但地方太細, 根本serve 唔倒食物比嘉賓, 而所提供嘅小食味道真係唔得, 以酒店嘅水準, 可以講算差.

唯一可取就係酒店嘅職員表演歌舞, 不論歌藝(因為佢地唔係歌星), 要比的掌聲佢地嘅落力演出.  (都無法响正面睇到, 只可响側面看到小小).

逗留咗好短時間就走, 離開時大會送咗小小紀念品.

 大會送咗隻小毛公仔作為遊戲獎品

 响環保袋入面有一pack 五色Macaron

 一set Crabtree & Evelyn mini 洗髮水套裝.  另外還有一的美容院coupon 同酒店餐廳四送一優惠...

出左酒店, 去咗河內道龍記食大大粒雲吞同鯪魚球.. 嘩!真係好味.....  嗰四粒鯪魚球已經遮咗三份二碗麵(但係唔記得影相), 食到最後一粒先記得.  

 睇吓! 嗰粒鯪魚球大過隻匙羹.... 下次再來再影..