的朋友仔入到嚟, 我問佢地想點, 哦! 好簡單啫, 都係的雞翼呀, 雞扒呀, 炒椰菜什菇加粉絲...有一樣最特別就係佢話要將的牛丸, 魚蛋, 芝士丸, 放落個電飯飯煲(的飯半熟時), 一齊煲熟佢, 好好味架! 吓! 唔係阿麻...有一個女同學話到時會煮(佢話佢真係識煮飯架!).
我交帶咗Mina, 就同型爸開車去大埔墟街市買餸, 諗著食埋飯先至返屋企....去到街市, 見到一檔有好靚嘅芋頭, 我搵咗好耐啦, 之前好多檔都話, 而家邊有靚芋頭賣架...嘩! 要hk$12 一斤, 都要買, 因為好想為個反沙芋平反....
買完野就上咗街市三樓嘅熟食中心. 之前嚟過呢度幾次, 每次都係下午, 試過幾檔, 都係覺得一間叫東記嘅炸豬扒上海麵最好食. 一向都唔喜歡食炸豬扒, 但試過一次, 覺得好好味, 的肉鬆軟又juice. 久唔久都想再食一次. 上次三家姐番嚟香港, 都有帶佢嚟食.
今次夜晚嚟, 本來型爸都話食豬扒麵, 但係我話不如試下第二樣啦. 見到一檔潮州打冷&小菜, 好似好耐無食過, 結果就坐低試下.
食完打道回府, 的朋友仔已經食完飯. 我問Mina嗰位女同學有無落嚟煮飯, Mina 話梗係無(嘩, 安樂哂!), 再問有無將的牛丸, 魚蛋, 芝士丸放落飯煲一齊焗? 佢話梗係無, 將嗰的丸煲咗的湯比佢地. 噢! 咁都正常的... 佢地將全部野都食哂....
沒有留言:
張貼留言