每款都係做1 loaf 嘅份量(Flour 227.5g, Warm Water 170g, Yeast 3g, Salt 2.5g)
將的材料各自混合...左起低筋, 高筋, 中筋(普通麵粉) . 高筋粉麵團同中筋粉麵團各自混合後都好似樣, 但係的低筋粉麵團就好濕, 撻咗响個盒到, 於是加多的低筋粉落去, 直至個麵團企身小小.
室溫發酵一小時 (左起 高筋, 中筋, 低筋)
室溫發酵兩個半小時, 的麵團好似大咗一兩倍, 由其是的低筋粉麵團. 之後後將所有麵團放入雪櫃. (左起: 高筋, 中筋, 低筋)
第二朝, 响雪櫃攞的麵團出嚟(大概雪咗十七小時), 的麵團變得好濕, 亦都無再漲大. (左起高筋, 中筋, 低筋)
攞咗半份高筋粉麵團, 整咗橢圓形, 上面界咗三刀. 亦攞咗份中筋粉麵團做咗圓形, 上面畀上十字. 至於個低筋粉麵比較濕同軟, 要用好多手粉, 亦做唔倒特別嘅形狀, 我由佢扁扁地諗著做個Focaccia. 放响室溫再發酵一小時.
三個麵團都再發大咗. 比較上, 中筋麵團無發得咁大. 高筋麵團上面放咗Mozzarella & Parmesan cheese, 中筋麵團放上芝麻, 低筋麵團放咗的rosemary.
高筋同中筋麵團掃上蛋汁, 低筋麵團掃上橄欖油. 入爐, 盤底加咗水..
200 C 焗咗25分鐘... 出爐啦. 史前怪物無再出現... 响rosemary 上面嗰的係蒜蓉醬. 我搽咗橄欖油之後先想加的蒜蓉醬, 太滑, 搽唔倒...但已經加咗上去嗰的就由得佢留番响上面, 結果燶咗.
呢個芝士包(高筋粉) 都唔錯, 按落去有彈性, 食落去唔韌.
呢個芝士包(高筋粉) 都唔錯, 按落去有彈性, 食落去唔韌.
呢個芝麻包(中筋粉) 食落有小小韌, 無咩彈性.
呢個扮似Focaccia包(低筋粉), 麵包切開睇落去的氣孔無其他兩個包咁多. 但口感都ok.
隔咗夜, 第二朝一早攞出嚟做早餐. 我將每款一片麵包搽上蒜蓉醬, 放入多士焗爐焗咗幾分鍾. 嘩! 真係出爐麵包... 好香好軟(外脆內軟), 三款麵包嘅口感竟然相差不大, 非常相似. 當然唔好想像好似港式包嗰的鬆軟.
呢個大測試話我知, 原來係麵粉都可以做呢隻免搓包.... 同埋唔焗咁耐, 個包唔會咁硬咁韌. 上次焗嗰隻史前怪物原本打算焗45分鐘, 但係焗咗30分鐘已經覺得too brown, 出爐時已經覺得好硬. 今次焗25分鐘, 對我嚟講覺得ok, 但係就無咗歐陸包嗰的咁brown咁硬嘅感覺... 呢的真係要睇吓自己想要的咩野包.
沒有留言:
張貼留言