五號屋的部落: 1月 2011

2011年1月31日星期一

大自然素食午膳

2011年1月31日下午2:40公開累積瀏覽 40 0

January 28, 2011, Friday Lunch

今日早上食晏前, 又抽咗的時間去睇媽媽, 佢今日進展好咗的, 可以食流質食物, 但媽媽話無胃口, 唔想食. 家姊, 姊夫話晚上煲的果皮粥比佢食, 唉! 慢慢嚟啦.

睇完媽媽, 型爸接我一起去食晏. 兩個都無咩胃口, 揀咗美麗華商場嗰間大自然素食, 食素清的啦.

的餐牌同其仔餐廳無咩分別, 無留意仲唔知食素添.

餐前送四個車里茄

先叫咗個椰皇竹笙燉翅, 好抵食hk$19.90, 咁的翅就梗係粉絲嚟啦.

另外叫咗一個菜乾鹹肉粥加紅燒茄子斑腩炒河粉

睇吓係咪好正, 味道唔錯, 但略嫌多油

睇吓呢嚿斑腩, 係用素鰻魚整架.

差的唔記得影煲粥. 個煲仔好醜樣, 但的粥又幾好味喎.

睇真的呢的肥腩肉, 其實都係素嚟架, 絕對唔使哎咬走的肥肉

叫咗三樣野, 埋單hk$105.40

一個唔錯嘅嘗試... 快的走囉, 要趕返公司, 大把野等著要做.

下午四點, 仲要同十幾個同事一齊上深圳, 同國內的同事食年夜飯, 好多國內同事食完年夜飯就回鄉過年lu.

呢排真係好唔得閒....

梨花園韓國餐廳午膳

2011年1月31日下午2:01公開累積瀏覽 62 0

January 27, 2011, Thursday lunch

晚上要attend 宏思高級課程結業嘉賓講座, 唔能夠去醫院探媽媽. 唯有早上抽點時間, 先去醫院探媽媽, 再去食晏. 媽媽打了止嘔針, 已經無再嘔, 看上去精神好一點, 但仍未可以食野. 見佢有進展, 都開心一的.

其實今日約咗幾個同事一齊團年, 因為其中一個同事提早放假去旅行, 咁就早的一齊食番餐晏啦.

今日又揀咗去梨花園, 不過我遲到, 叫佢地先叫野食

我去到一見到呢幾小碟已經開心, 但好奇怪, 佢地全部都無叫燒烤

一個叫咗鰻魚石頭鍋飯

一個叫海鮮石頭鍋飯

兩個叫人參雞湯配飯

一個叫泡菜湯配飯

另一個叫咗牛肋骨飯

我見佢地唔食燒烤, 我都唔叫啦, 叫咗一客炆牛肋骨. 的汁味道略帶甜, 唔係好啱我胃口, 都係的燒烤好味的.

七個人, 食咗hk$468, ok 啦.

Lanciano Ristorante 意大利餐廳

2011年1月31日下午1:10公開累積瀏覽 97 1

January 26, 2011, Wednesday Night

又是忙碌的一天, 積存的工作仍未攪掂. 又忙又攰, 結果打敗仗, 病埋.
媽媽仍在醫院, 放工後又馬上去醫院看好她. 但她今天情況反覆, 不知是否麻醉藥的關係, 一飲少量水或食藥便不斷嘔, 我見到都想嘔. 型爸馬上到樓下買多幾盒紙巾同濕紙巾, 逗留一個小時便離開...

其實今天是型爸生日, 雖然無咩心情, 但探完媽媽, 同埋二公子大家一齊出去食餐飯, 型爸話食咩都無所謂, 大排檔煲仔飯都無問題...咁點得, 生日都要去間企企理理. 結果去咗大埔Lanciano Ristorante食意大利菜.

型爸叫我唔好諗咁多, 媽媽一定無事, 我都提起精神, 開開心心同型爸食餐飯.

星期三, 無咩客, 只得三兩檯, 唔需耍訂位

有生蠔, 法國嘅white pearl., 型爸精神哂....雖然只得一款, 都叫咗6隻,

今日的house bread麻麻地.

型爸覺得的蠔好味, 再叫多一round 6 隻.

生切牛肉沙律

凱撒沙律

主菜有鵝肝黑醋意大利粉

釀鴨胸, 呢嚿鴨胸好大, 有8安士重

的鴨胸仲釀咗的水牛芝士

最後再加多一個pizza. 的餅底好薄好味

今日我請客. 呢餐都算抵食, 如果响尖沙咀樂士佛臺, 一定貴一倍. 不過最緊要型爸食得開心.

返到屋企, 立即開工, 預備整蛋糕, 要為型爸整一個合桃拿破崙蛋糕, 用急凍酥皮, 應該好快. 但型爸即刻叫停, 佢話我呢排太辛苦唔夠瞓, 唔好整啦, 搵日有時間先慢慢整啦. 只要有心幾時整都一樣.....多謝型爸.

其實我都唔係幾舒服, 食咗的消炎藥個胃頂著... 第日先整啦.

2011年1月28日星期五

Benchmark Advance Program 宏思高級課程

2011年1月28日下午3:31公開累積瀏覽 1177 1

January 19th to January 23rd, 2011.... Jan 25th + Jan 27th - Advance 21

這幾天都是忙忙忙, 前天出席完宏思高級課程結業嘉賓講座, 都係時候講吓上課這幾天的感受. 基於保密承諾, 只可以講出個人感受及體驗, 不可以說出課程的內容.

其實, 又可以講過了五天很特別的人生旅程... 日以繼夜, 真的很攰很攰很攰, 但精神上覺得非常充實.

課程開始之前一天, 還在考慮上不上堂, 因為媽媽剛入了醫院, 心情忐忑不安, 但回心一想, 醫生需要安排, 應該要等幾天才可以做手術. 結果都決定去上課.

第一天, 早上剛上堂時, 還有點心神不定, 還在想著媽媽. 過了一兩個小時, 才可以全情投入. 但整天的課程, 再加埋自已的心情, 覺得心情很沉重, 腦中不繼反思. 回家時己是差不多零晨二時, 都無咩時間去諗, 還要想怎樣才可完成所有的家課.

第二天, 早上七時許便要起床, 不過腦中一片空白, 十條問題, 竟然有四條題目完全不知道如何作答. 幸好一早打電話聯絡Buddy後, 在坐車途中, 佢不斷sms比咗好多提示比我, 令我開始有的頭緒. 約咗的Buddies一齊食早餐, 當然要趕埋的功課啦. 今日嘅課堂, 一樣不好受, 再加埋一些突發事情, 失去了很多時間, 但從當中, 亦得到很多寶貴的體驗. 今天與同學一起坐的士回家, 慳了一個小時, 剛夠時間做好所有的家課. 瞓落床又差唔多零晨三點.

第三天, 一樣是早上七時半起床, 昨晚已做好九成家課, 只欠一條, 今天便輕鬆了裊多. 可以同同學輕鬆食早餐, 亦有足夠時間去完成最後一條家課. 但今天的課程, 迫得更緊, 個頭真係痛到爆. 不過最開心係放學時型爸來接我放學, 仲順路車埋我兩個同學, 又慳番成個小時, 又可以有時間做功課, 不過又係咁上下時間上床瞓覺. 除咗個攰字, 真係唔知點形容.

第四天, 亦是同一時間起床, 又係約咗的同學食早餐. 今天的課程很突別, 那種種體驗, 真是畢生難忘. 有時人可能會不相信自己的能力, 但如果全程投入, 原來什麼都可以做得到. 人生有一次如此的體驗, 非常值得. 但今日over run 得太緊要, 零晨二時幾才完成, 回到家瞓落床已經差不多四點.... 只得兩三小時休息.

第五天, 早上同一時間起床, 相約了一位同學在火車站見面, 聯絡同學時, 她無聰電話, 真係攪到腎上腺素激增... 因為真係唔想遲到. 幸好最終無事, 還可追返的時間, 可以同的同學一齊食早餐. 當大家都感覺今天將會是輕鬆的一天, 怎知又有事情發生. 其中一位同學要求退出, 又給了我們很大的體驗. 有時一點點的遺憾卻令我們全體同學領略得更深. 今天放學時間比較早, 型爸來接我放學, 馬上車我去醫院看媽媽, 因為媽媽明天一早要做手術.

看完媽媽, 要入黃金海岸出席朋友的婚宴, 時間緊迫, 還好來得及. 當晚飲宴完畢, 回家都已經係零晨....又係攰到不得了....

型爸見我這幾天攰到不似人形, 非常不滿, 他不想我再繼續LP課程. 當Jan27th 很多同學報讀LP21時, 心裡真的不好受, 學得自己已經離開了團隊. 但在我心目中, 型爸的感受及支持最緊要,

我亦擔心以自己心和身的情況都未ready, 還是遲一點再算吧!

2011年1月18日星期二

香蕉紅莓蛋糕 + 椰汁香蕉蛋糕

2011年1月18日下午1:22公開累積瀏覽 203 1

January 16, 2011, Sunday Night

好耐無整蛋糕麵包, 今日見到超級市場有的包著特價香蕉, 睇落去仲係好靚喎, 忍唔住買咗一pack6隻, 諗著整香蕉蛋糕.

本來食完晚飯開始整蛋糕, 但林老闆佢地一家嚟咗食飯, 我地飯後傾吓謁食吓生果. 十點幾佢地走咗次後我先開始整.

睇吓, 的蕉真係仲係好好樣, 但平一半.

打開隻隻都好靚, 其實的蕉都仲未夠熟, 但都唔理Lu, 都係mash咗佢, 照整.

將的料Mix好啦

加的cranberry, 將的粉漿放落grease咗嘅焗盤

預熱焗爐170c, 焗1小時

跟著開始整埋另一個, 今次落椰汁&椰絲

再放埋入焗爐一齊焗,

因為兩個蛋糕入爐時間相差18分鐘, 所以焗起嚟兩個唔同顏色.

第一個焗好先出爐, 第二個繼續焗.

第一個香蕉紅莓蛋糕.

side view 都好靚.

的蛋糕實在太香, 焗起就比二公子同型爸試食, 我都食咗少少, 好味.

椰汁椰蓉香蕉蛋糕都攪掂啦.

最開心嗰個係Ruby, 佢等食的蛋糕好耐啦.

2011年1月9日星期日

2011年1月9日下午2:09公開累積瀏覽 63 0

唉, 呢幾日淨係得閒先左執右執, 個大project有排都未攪掂, 的野都仲係未能執到啱心水.

係咪大部份女性都喜歡購物和儲物?

我究竟係咪一個購物狂?

以前shopping, 無咩節制, 喜歡買就買, 一次過可以買好多.... 亦都可以一次過掉好多...
呢幾年常常remind自已要控制一下, 唔好買咁多野, 每次買野時都要停一停, 諗一諗, 係咪真係好鍾意, 好需要... 唔買係咪損失, 買咗又係咪好得....

搬咗嚟"山卡罅"之後, 少咗好多shopping, 亦唔好比自己有太多時間去shopping, 唔去shop就唔會買咁多啦...將的時間放落cooking, 仲更加開心化算. 正常情況底下, 會將的購物情緒, 轉移去supermarket買的必需品, 每個星期去買餸, 都可以滿足一下的購物慾. 但又開始轉買好多cooking 材料&用品....

雖然話唔買, 但久唔久都會買一件, 跟著又一件, 再下次又買一件, 唔覺唔覺積埋越來越多.... 有入究竟有無出? 一個人買野多定掉野多? 捨得買, 又捨唔捨得掉....

我究竟係咪一個儲物狂?

聖誕假期處理過的衣物, 點算吓, 真係好驚...2010年買過嘅衣服鞋物, 都應該有百幾二佰件.... 以前一年可以唔要幾箱衫, 呢兩年掉嘅衣物少咗好多呀! 的衫真係多到著唔哂, 有的著咗一兩次就唔記得, 新買返嚟未著過都有好多件....

好驚呀! 做完購物狂仲做埋儲物狂...... 要戒, 要戒...

2011 年開始.....

真係要全面檢討....新的一年, 要同自己講, 唔好再買咁多野, 衫, 褲, 鞋, 襪, 手袋, 廚房用品, 家庭用品, 食品... 全部要三思而後買... 我話嘅... 切記切記...

p.s. 需然啱啱又去咗美亞買咗個超大嘅煲, 不過呢個係物有所需, 型爸都大力支持, 仲幫我揀到一個平靚正大, 無破戒...