June 10, 2017, Saturday
星期六同型爸出去旺角太子花園街買野, 順道在那邊搵地方食午飯. 呢的地方搵地方泊車就最麻煩, 咪錶位都只係得三十分鐘, 搵到都算好彩架啦.
泊咗個三十分鐘, 就响附近搵食, 方便入錶呀. 見到有兩三間冰室, 唯獨有一間有人排隊....哈哈, 呢間應該ok 啦.
呢間叫紅茶冰室呀... 行入去先留意有成兩個鋪位, 都有好多庭位, 但全部坐滿.
入到去要搭檯, 四人座. 一坐落侍應就遞來餐牌, 仲馬上要落單咁款.... 我地都未睇清楚, 三選一, 兩個都要了C餐, 焗海鮮飯.
跟著抬頭, 唉吔, 仲有好多選擇, 做咩要兩個C餐, 應該叫一個餐, 再叫芝士流心西多士...仲有芝士撻呀! 唯有下次有機會再試啦.
的湯送到嚟, 梗係唔會好大期望啦,
不過入面都放咗好多火腿
海鮮飯送到嚟, 都幾大碟喎.
上面有好大塊魚柳, 但的肉就嚡的. 味道一般啦, 唔係太差又唔係好好咁囉. 講真話, 海鮮站嘅焗海鮮飯就好味好多.
我問侍應呢道的咖啡係蒸餾定係即沖, 佢話係即沖, 咁我唔要, 要奶茶好的啦.
叫紅茶冰室, 無理由杯奶茶唔得架....飲落又ok, 茶質唔嚡, 幾好喎. 我飲熱, 型爸飲凍.
對面轉了一對男好, 原來可以要中式湯. 佢要了咖哩牛腩飯, 睇落的咖哩都做得唔錯, 味道就唔知啦.
其實最抵係價錢, 呢的地方租金肯定貴, 一百文兩個餐我覺得好抵.
下次有機會, 再嚟試吓流心芝士多士啦.
沒有留言:
張貼留言