大埔滘林徑

Jun 11, 2017, Sunday

三十幾度高溫真係好難頂, 行山組幾位女組員都請假, 只有我堅持, 陪型爸行短途都好吖.

今日只有五位出發, 組長, 副組長, 名譽領隊, 型爸同我.

唔要咁曬行大埔滘林徑就比較理想

型爸腳有傷患, 唔敢行太長行程, 咁我同型爸行紅路, 佢地三位行多的, 紅路+藍路

紅路好短, 差不多一小時就行完, 去到大斜路, 我們便分道而行

由大斜路行落去大埔公路, 大約半小時, 而佢地行藍路, 大約要一小時, 相差唔會好遠. 
 整條路都係石屎路, 兩邊樹蔭, 唯獨呢道發出陣陣異味... 究竟呢個好似水壩的建築物係咩呢!

呢道有個牌寫著大埔滘林道 - 滘鉛段

行到出嚟就係我地行上山去時分义路.   行落嚟就易, 如果唔行林徑, 由石屎路行上去大休息亭都幾索氣.

到我地行到落去涼亭等佢地, 突然收到佢地Whatsapp, 藍天白雲相.....

無理由架, 林徑大部份路段都比樹蔭遮蔽, 環山而行, 唔會見到藍天碧海.

哈哈, 原來佢地無行藍路, 行咗去大埔墟火車站轉右唔知咩路...結果行咗幾百級樓梯, 跟著由滌檮山莊行番落嚟, 叫我地開車去接佢地.

行完去陳漢記食粥麵....

行咗唔係好長時間, 出一身大汗都幾爽呀!