塔門輕鬆遊

Jun 4, 2017, Sunday

星期日, 又係我地行山組親親大自然的日子.  今日得到我地嘅榮譽領隊哈叔的安排,  佢朋友開船, 載我地出海去塔門呀!  一話出海, 連神隱了的組員都出席, 連大搭細十五人呀!

初時都有的擔心天氣, 天文台預告有暴雨, 又見天有黑雲, 好彩都係落咗的零散驟雨

到塔門碼頭啦.

一行出去, 就見到好多老人家擺檔賣土產

問咗當地人, 我地先去天后寶樓拜神, 跟著沿路行

鄉公所, 青年會都响碼頭附近 ,沿路見的設施都好新淨, 唔會殘殘舊舊

見到呢個地圖就知我地嘅路線啦.  我地只係行地圖下面米色的部份, 大約一小時便可行完

呢道就係塔門路營勝地....真係配受佢地, 天氣又熱又焗, 瞓响帳篷, 點頂呀!

望落去個海灘又唔係好靚喎!

我地行上山啦, 的路鋪得實在太靚, 小朋友活動力強, 一馬當先就跑咗上去

但要小心呀, 兩邊附近的樹全部都係大蜘蛛呀!

睇吓的網結到幾大

上到山可以休息一下

跟著路牌就落山, 的路真係鋪到好靚

原來的計劃係行完塔門, 跟著就去高流灣食午飯, 點知哈叔見到新漢記的藍太, 咁就留喺呢道食午飯

原來好多團訂咗位, 佢開張檯比我地咋.

藍太幫我地揸主意, 要咗個A餐, 跟著加多兩樣野

A餐有七餸一湯

另外幫我地加咗炸魷魚鬚及海膽炒飯....夠哂碟頭

個海膽炒飯炒得幾好呀!

食吓食吓, 又比我地食哂

哈哥叫我地認著呢間新漢記

食完我地坐船離開

塔門的人口, 全都聚居於碼頭附近

我地跟著開船去蚺蛇灣, 呢個沙灘好靚呀!

 

我地幾個落水游去海灘....游去時好容易, 因為順風順水,  游回艇上就有的吃力呀!

跟著我地回程啦!

天氣好, 風大, 好多人玩風帆.... 天文台, 真係好失威呀!  這幾天的天氣預告, 全部都唔啱.   如果真係信的話, 我地今日就無得出淤啦.

共中一個組員好鍾意影相, 分享吓....美景, 不過張張角度都係斜架!