鬼馬鴛鴦脆脆

Jun 12, 2017, Sunday

嘻嘻, 今日整呢個鬼馬鴛鴦脆脆, 係之前响Owenmama個blog見到, 入咗腦.   今日同型爸講起食粥油炸鬼, 突然醒起, 呢個容易整又可以做送酒小食....快的去買油炸鬼.

買咗兩條油炸鬼

買咗蝦膠同墨魚膠, 嚟個鴛鴦版.

跟著就將的油炸鬼剪成段.  不過即刻後悔嘞.   咁多人又諗著用嚟送酒, 做咩唔剪細的, 三份二就差唔多.  剪細的就成為一口脆脆, 方便易食.   但如果現在再剪又太細啦, 咁唯有就咁啦.

好比心機釀的蝦膠墨魚膠, 連側面都釀的, 睇落去都靚的.

整好哂啦, 不過每款都只係得十件

預熱焗爐180度

入爐後轉160度焗10分鐘, 跟著轉180度再焗5分鐘

哈哈, ok無燶, 的蝦膠墨魚膠都熟哂

幾的泰式雞醬放在碟上, 食時喜歡醮.

呢碟好快就清碟, 因為佢地覺得特別, 不過食落的蝦膠同墨魚膠的味又唔係好出, 但的油炸鬼就好脆呀!

有人問我的蝦膠墨魚膠係咪自己打的....哈哈, 唔好玩啦!